Viðskiptastjóri á fagsölusviði
Við leitum að kraftmiklum aðila í starf viðskiptastjóra byggingavara á fagsölusviði Húsasmiðjunnar. Á fagsölusviði starfa öflugir og reynslumiklir einstaklingar sem þjónusta stærstu viðskiptavini Húsasmiðjunnar og aðra aðila í stærri framkvæmdum.
Megin verkefni viðskiptastjóra er ráðgjöf, sala og þjónusta til fagaðila og einstaklinga í góðri samvinnu við annað starfsfólk í fagsöluteyminu. Viðskiptastjóri aflar og viðheldur tengslum og viðskiptum við verktaka og aðra fagaðila, sér um tilboðsgerð og er í samskiptum við birgja.
Við leitum að drífandi einstaklingi með jákvætt hugarfar sem hefur metnað og áhuga á að veita framúrskarandi þjónustu til okkar viðskiptavina. Um er að ræða spennandi starf fyrir einstakling sem hefur áhuga á að takast á við krefjandi verkefni í sölu á byggingarlausnum til stærstu verktaka landsins.
- Menntun s.s. tækni- eða iðnmenntun eða reynsla sem nýtist í starfi er mikill kostur
- Þekking á byggingavöru og reynsla af sölumennsku er mikill kostur
- Brennandi áhugi og reynsla af sölu og þjónustu
- Rík þjónustulund og lipurð í mannlegum samskiptum
- Gott vald á íslensku
- Almenn góð tölvukunnátta
- Heilsuefling, s.s. heilsufarsskoðun, bólusetning, aðgangur að sálfræðiþjónustu, heilsueflandi fræðsla.
- Aðgangur að orlofshúsum.
- Ýmsir styrkir, s.s. íþróttastyrkur, samgöngustyrkur og fræðslustyrkur.
- Afsláttarkjör í verslunum okkar.
IcelandicVery good
