Viðskiptastjóri

Pósturinn óskar eftir metnaðarfullum og framsýnum einstaklingi sem brennur fyrir samskiptum og vill taka virkan þátt í þjónustu við fyrirtæki. Starfið er fjölbreytt og krefjandi. Um framtíðarstarf er að ræða.

Okkur vantar kraftmikinn liðsfélaga í öflugan hóp sem vinnur markvisst að því að efla þjónustu og sölu til viðskiptavina okkar. Unnið er að spennandi sóknar- og markaðsverkefnum þvert á fyrirtækið og eru tækifæri til að hafa raunveruleg áhrif. Viðkomandi þarf að geta hafið störf fljótlega.

Helstu verkefni og ábyrgð:

• Sala og ráðgjöf á lausnum til viðskiptavina
• Byggja upp og viðhalda viðskiptasamböndum
• Þátttaka í verkefnum sem styðja við vöruþróun og markaðssókn
• Greining á þörfum viðskiptavina
• Þátttaka í gerð söluáætlunar

Menntunar- og hæfnikröfur:

• Menntun sem nýtist í starfi og/eða reynsla af fyrirtækjasölu
• Sjálfstæð vinnubrögð
• Framúrskarandi samskiptahæfileikar
• Rík þjónustulund og frumkvæði
• Góð íslensku- og enskukunnátta í ræðu og riti

Hjá Póstinum starfar lausnamiðað starfsfólk sem tekur fagnandi á móti síbreytilegum áskorunum þar sem liðsheild, þjálfun og góður starfsandi er í forgrunni. Pósturinn leggur sitt lóð á vogarskálar til að stuðla að sjálfbærni og hefur uppfyllt öll markmið Grænna skrefa. Pósturinn er jafnlaunavottað fyrirtæki.

Umsóknarfrestur er til og með 28. júlí 2025 en unnið er úr umsóknum um leið og þær berast. Umsókn óskast fyllt út á www.intellecta.is og þarf henni að fylgja starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Áhugasamir aðilar, óháð kyni, eru hvattir til að sækja um starfið. Farið verður með allar umsóknir og fyrirspurnir sem trúnaðarmál og þeim svarað að ráðningu lokinni.

Nánari upplýsingar veitir Lea Kristín Guðmundsdóttir ([email protected]) í síma 511-1225.