APRÓ

APRÓ er nútímaupplýsingatæknifyrirtæki byggt á grunni þriggja leiðandi íslenskra tæknifyrirtækja: Andes, Prógramm og Miracle. Með yfir 80 framúrskarandi sérfræðinga sameinum við áratugareynslu og nýjustu tækniþekkingu í hugbúnaðarþróun, skýjaþjónustu, gagnatækni og gervigreind. Við erum stolt af því að vinna að verkefnum sem hafa raunveruleg áhrif á samfélagið, með fjölbreyttum viðskiptavinum – allt frá stórum stofnunum til nýsköpunarfyrirtækja. Hjá APRÓ finnur þú vinnustað þar sem samvinna, faglegur vöxtur og vellíðan starfsfólksins eru í forgrunni.

About

Viðskipta- og verkefnastjóri

APRÓ leitar að drífandi einstaklingi sem getur tengt saman hugmyndir, tækni og viðskipti.

Við óskum eftir orkumiklum og skipulögðum viðskipta- og verkefnastjóra sem vill taka þátt í að skapa næstu kynslóð lausna fyrir íslenskt atvinnulíf. Um er að ræða fjölbreytt starf sem tengir saman verkefnastjórnun, viðskiptaþróun og sölu.

Viðkomandi verður hluti af framsæknu teymi þar sem hugvit, nýsköpun og samvinna eru í forgrunni. Hlutverkið felst í að tryggja framgang spennandi verkefna, efla tengsl við viðskiptavini og opna ný tækifæri fyrir bæði APRÓ og samstarfsaðila okkar.

Starfsheiti: Viðskipta- og verkefnastjóri í viðskiptaþróun APRÓ
Næsti yfirmaður: Framkvæmdastjóri Vöru- og viðskiptaþróunar (CBDO)

Helstu verkefni og ábyrgð

Leiða vöru- og þróunarverkefni frá hugmynd til innleiðingar
Tryggja að verkefni standist tíma- og kostnaðaráætlanir
Samstarf við ólík teymi við innleiðingu lausna
Greina þarfir viðskiptavina og tengja við vöruþróun
Efla og viðhalda samskiptum við núverandi viðskiptavini
Kynna lausnir APRÓ og taka þátt í sölustarfi
Fylgja eftir viðskiptalegum tækifærum frá fyrstu hugmynd til samnings
Þróa sölu- og markaðsefni fyrir vörur í vinnslu
Leita að nýjum viðskiptatækifærum
Taka þátt í kynningum, fundum og vinnustofum

Menntunar- og hæfniskröfur

Marktæk reynsla af verkefnastjórnun og/eða vöruþróun
Góður skilningur á sölu- og markaðsferlum
Reynsla af því að vinna náið með viðskiptavinum eða í sölustörfum er kostur
Frábær samskiptahæfni, frumkvæði og sjálfstæð vinnubrögð
Lausnamiðuð hugsun og hæfni til að sjá heildarmyndina
Geta til að vinna undir álagi og sinna mörgum verkefnum samtímis

Fríðindi í starfi

Kaupréttaráætlun
Sveigjanlegur vinnutími
Árlegur heilsustyrkur
Samgöngustyrkur
Mötuneyti, drykkir og snarl á vinnustað
Starfsmannafélag og reglulegir viðburðir

APRÓ er nútímalegt upplýsingatæknifyrirtæki sem byggir á grunni Andes, Prógramms og Miracle. Hjá okkur starfa yfir 80 sérfræðingar sem sameina áratugareynslu og nýjustu tækniþekkingu í hugbúnaði, skýjaþjónustu, gagnatækni og gervigreind. Við vinnum að verkefnum sem skipta máli og leggjum áherslu á traust, samvinnu og vellíðan í starfi.

Advertisement published3. September 2025

Application deadline14. September 2025

Language skills