Vertu hluti af öryggisteymi okkar á Keflavíkurflugvelli 40-60% starf

Öryggismiðstöðin er framsækið þjónustufyrirtæki sem sérhæfir sig í fjölbreyttum lausnum og þjónustu á sviði öryggis og velferðartækni fyrir einstaklinga og fyrirtæki. Hjá fyrirtækinu starfar ört stækkandi hópur sérfræðinga með mikinn áhuga, víðtæka þekkingu og reynslu í þjónustu við viðskiptavini.

Við leggjum mikla áherslu á gæði og persónulega þjónustu sem byggir á gildum fyrirtækisins: forysta umhyggja og traust.

Hefur þú brennandi áhuga á öryggi?

Öryggismiðstöðin leitar að jákvæðum og öflugum einstaklingum sem hafa áhuga á öryggi og velferð annarra, eru jákvæðir og geta tekið skjótar og réttmætar ákvarðanir.

Í boði er 40-60% starfshlutfall hjá Aviör sem hefur starfsstöðvar á Keflavíkurflugvelli.

Aviör starfsmenn gegna lykilhlutverki í að tryggja að farþegar og flugvélar fari örugglega og á réttum tíma.

Starfið fellur undir deildina Mannaðar lausnir, sem veitir fjölbreytta öryggisgæslu, þar á meðal útkallsþjónustu, flutning verðmæta og almenna öryggisþjónustu fyrir viðskiptavini Öryggismiðstöðvarinnar.

Um er að ræða starf í traustu, samheldnu og metnaðarfullu starfsumhverfi.