Góði hirðirinn

Markmið Góða hirðisins er að endurnýta nytjahluti til áframhaldandi lífs og við tökum vel á móti viðskiptavinum okkar. Ágóði af sölu nytjarhluta í Góða hirðinum rennur til góðgerðarmála, úthlutun fer fram einu sinni til tvisvar á ári.

About

Verslunarstjóri Góða hirðisins

Við leitum að drífandi og skipulögðum einstaklingi til að stýra verslun Góða hirðisins og stuðla að aukinni endurnotkun. Verslunarstjóri ber ábyrgð á daglegum rekstri verslunarinnar, tryggir að hún sé vel skipulögð, snyrtileg og örugg ásamt því að sjá um að verðlagning og frágangur muna sé í góðu horfi. Verslunarstjóri tryggir að starfsmenn fái viðeigandi þjálfun og stuðlar að góðri upplýsingamiðlun.

Í boði er fjölbreytt og skemmtilegt starf í kraftmiklu og lifandi umhverfi. Sendu inn umsókn og vertu hluti af frábæru teymi Góða hirðisins!

Helstu verkefni og ábyrgð

Ber ábyrgð á daglegum rekstri, skipulagi og mönnun
Innkaup á rekstrarvörum
Umsjón með kassakerfi og frágangur uppgjörs
Samskipti við utanaðkomandi aðila
Viðhalda góðu þjónustustigi verslunar
Tryggja að öryggismálum sé fylgt eftir og vinna að stöðugum umbótum
Tryggja vinnusemi, jákvæðni og hvetja starfsmenn áfram
Vera leiðbeinandi og sýna frumkvæði við endurnýtingu og flokkun endurvinnsluefna
Stuðla að góðu samstarfi og samskiptum við önnur teymi Góða hirðisins
Sinna tilfallandi verkefnum sem tilheyra starfsstöðinni