Stéttafélagið ehf. er öflugt verktakafyrirtæki með yfir 20 ára reynslu af fjölbreyttum framkvæmdum á sviði jarðvinnu, lagnavinnu, nýbygginga og yfirborðsfrágangs. Félagið var stofnað árið 2000 og hefur frá upphafi lagt áherslu á fagmennsku, skilvirkni og áreiðanleika. Við störfum að mestu á útboðsmarkaði og höfum byggt upp traust langtímasamstarf við sveitarfélög, veitufyrirtæki og opinberar stofnanir. Verkefnin okkar tengjast uppbyggingu innviða samfélagsins – allt frá grunnvinnu við nýbyggingar og gerð leikskólalóða yfir í endurnýjun veitukerfa og lóðafrágang. Stéttafélagið tekur einnig að sér smíði, endurnýjun og viðhald mannvirkja, svo sem skólabygginga og annarra opinberra fasteigna. Að auki þróum við eigin byggingarverkefni og höfum byggt og selt bæði íbúðar- og atvinnuhúsnæði. Dæmigerð verkefni: - Gerð gatna og göngu-/hjólreiðastíga - Lagnavinna og endurnýjun veitukerfa - Frágangur á leik- og grunnskólalóðum - Lóðaframkvæmdir við íbúðar- og atvinnuhúsnæði - Nýbyggingar, viðhald og þjónustuverkefni, s.s. snjómokstur Félagið starfar eftir vottuðum gæðastöðlum (ISO 9001), umhverfisstjórnunarstöðlum (ISO 14001) og öryggiskerfum (ISO 45001). Þannig tryggjum við skipulagða framkvæmd, öruggt starfsumhverfi og ábyrg vinnubrögð á hverjum verkstað. Stéttafélagið leggur áherslu á gott skipulag, skýr samskipti og árangursríkt samstarf við alla verkkaupa – og skilar verkefnum af öryggi, á réttum tíma og samkvæmt hæstu kröfum.