Vestfjarðastofa

Vestfjarðastofa er sjálfseignastofnun sem vinnur að hagsmunamálum íbúa, sveitarfélaga, stofnana og fyrirtækja á Vestfjörðum og ráðgjöf og þjónustu tengda atvinnu- og byggðaþróun, frumkvöðlastarfsemi og menningu í víðum skilningi.

About

Verkefnisstjóri á Reykhólum

Vestfjarðastofa, með stuðningi Byggðastofnunar, auglýsir eftir verkefnisstjóra í Reykhólahreppi. Verkefnisstjóri gegnir hlutverki leiðtoga verkefnisins Brothættra byggða í Reykhólahreppi ásamt verkefnisstjórn og starfar hann í umboði hennar að aðgerðum til eflingar byggðar og mannlífs í Reykhólahreppi.

Verkefnið hófst árið 2025 og er til fimm ára og er hluti af verkefnum Brothættra byggða og er samstarfsverkefni Byggðastofnunar, Vestfjarðastofu og Reykhólahrepps.

Um er að ræða 100% starf með starfsstöð á Reykhólum.

Helstu verkefni og ábyrgð

Fylgja eftir ákvörðunum verkefnisstjórnar
Hafa frumkvæði að nýjum verkefnum á svæðinu
Upplýsingamiðlun og skýrslugerð til íbúa og samstarfsaðila
Íbúafundir og þátttaka í samfélagsverkefnum í sveitarfélaginu
Aðstoð við gerð styrkumsókna og viðskiptaáætlana
Önnur verkefni í samstarfi við sveitarfélagið samkvæmt samkomulagi

Menntunar- og hæfniskröfur

Menntun sem nýtist í verkefninu. Háskólamenntun áskilin.
Reynsla af ráðgjöf og atvinnu- og byggðaþróun æskileg
Reynsla af verkefnastjórn æskileg
Þekking, skilningur og reynsla af byggðamálum mikilvæg
Þekking á styrkjaumhverfi og skrifum umsókna í innlenda og erlenda sjóði mikilvæg
Góð tölvu- og tæknifærni
Frumkvæði, jákvæðni, samstarfsfærni og sjálfstæð vinnubrögð eru mikilvægir eiginleikar.

Viðkomandi þarf að geta hafið störf sem fyrst. Nánari upplýsingar má finna á www.vestfirdir.is Upplýsingar um verkefnið Brothættar byggðir er að finna á heimasíðu Byggðastofnunar gegnum tengil hér: Brothættar byggðir.

Nánari upplýsingar veitir: Sigríður Ó. Kristjánsdóttir ([email protected])
Umsóknarfrestur er til 22. júní 2026.

Advertisement published3. June 2026

Application deadline22. June 2026

Language skills