FSRE

Framkvæmdasýslan - Ríkiseignir (FSRE) er opinber stofnun sem hefur það hlutverk að þróa og reka aðstöðu á vegum ráðuneyta, stofnana og annarra ríkisaðila með hagkvæmum, vistvænum og ábyrgum hætti. FSRE ber ábyrgð á skipulagningu, þróun, nýtingu og rekstri fasteigna í eigu íslenska ríkisins. Fasteignasafn ríkisins er eitt af stærstu fasteignasöfnum landsins með um 530 þúsund fermetrum húsnæðis. Stofnunin leigir þar að auki um 100 þúsund fermetra húsnæðis á almennum markaði til framleigu fyrir stofnanir og ráðuneyti. Jarðasjóður, sem einnig er hluti af FSRE, heldur utan um eignarhald og umsýslu á um 380 jörðum og jarðeignum ríkisins með það að markmiði að nýta land og auðlindir á ábyrgan og sjálfbæran hátt. Um þessar mundir vinnum við að um 130 þróunarverkefnum sem snerta flest svið mannlífsins; s.s. heilbrigðis- og velferðarmál, menningu, menntun, löggæslu, dómskerfi, náttúru og friðlýst svæði. Framundan eru spennandi tímar í þróun sameinaðrar stofnunar. Við leitum því að jákvæðu og drífandi fólki sem hefur brennandi áhuga á að taka þátt í vegferðinni með okkur.

About

Verkefnastjóri - viðhaldsáætlanir

Hjá Framkvæmdasýslunni-Ríkiseignum (FSRE) er viðhald stærsta fasteignasafns landsins skipulagt af fagmennsku og fyrirhyggju. Nú leitum við að verkefnastjóra í teymi sem greinir ástand og viðhaldsþörf eigna ríkisins og forgangsraðar verkefnum svo eignir haldi verðgildi sínu og nýtist sem best.

Sem verkefnastjóri stýrir þú úttektum á ástandi fasteigna, gerð skammtíma- og langtímaáætlana um viðhald, þróun á verklagi og viðmiðum við ástandsmat. Þú berð ábyrgð á útboðum og samningum um ástandsmat og vinnur náið með eignastýringu, þjónustuborði og forsvarsmönnum stofnana. Safnið telur 530 þúsund m² í 380 eignum um allt land, svo verkefnin eru fjölbreytt og ná til flestra sviða samfélagsins.

Helstu verkefni og ábyrgð

Verkefnastjórn við greiningu á viðhaldsþörf eigna ríkisins
Umsjón með úttektum á ástandi fasteigna, mati á viðhaldsverkefnum og forgangsröðun þeirra
Gerð skammtíma- og langtímaáætlana um viðhald eigna
Þróun verklags og viðmiða við gerð ástandsmats
Gerð útboðsgagna, innkaup og rekstur samninga um ástandsmat í samvinnu við innkaupasérfræðinga
Samstarf við eignastýringu um forgangsröðun eigna og verkefna
Samstarf við þjónustuborð um greiningu beiðna
Samskipti við forsvarsmenn stofnana og notenda í samráði við viðskiptastjóra

Menntunar- og hæfniskröfur

Háskólamenntun sem nýtist í starfi
Góð þjónustulund
Góð samskipta- og samstarfshæfni
Frumkvæði, metnaður, skipulagsfærni og öguð vinnubrögð
Lausnamiðað viðhorf og hæfni í lausn ágreinings
Góð færni í að forgangsraða verkefnum og skila árangri í kviku starfsumhverfi
Stafræn færni, geta til að vinna með gögn og læra á ný tölvukerfi
Góð íslensku- og enskukunnátta og hæfni í tjáningu í ræðu og riti

Eftirfarandi telst til kosta

Víðtæk reynsla í mannvirkjagerð
Iðnmenntun og reynsla af viðhaldsframkvæmdum
Reynsla í umsjón fasteigna, útboðsmálum, innkaupum og rekstri samninga

Hvað við bjóðum

Verkefnamiðað vinnuumhverfi og sveigjanlegan vinnutíma
Fjölbreytt og krefjandi verkefni sem snerta flest svið samfélagsins
Stuðning við þekkingaröflun og starfsþróun, meðal annars í gegnum alþjóðlegt tengslanet
Fjölskylduvænan vinnustað þar sem lögð er áhersla á jafnrétti og góða vinnustaðamenningu

Um FSRE

FSRE annast fasteignir og jarðir ríkisins, öflun húsnæðis og stýrir framkvæmdum við breytingar, endurbætur og nýbyggingar, með það að leiðarljósi að afla góðs en hagkvæms húsnæðis í allra þágu. Hjá FSRE starfa um 70 sérfræðingar með breiða þekkingu á sviði fasteignaumsýslu, framkvæmda og eignastýringar.

Umsókn

Áhugasamir einstaklingar, óháð kyni, eru hvattir til að sækja um. Umsóknarfrestur er til og með 25. september.

Umsókn óskast fyllt út á Starfatorgi og þarf henni að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni umsækjanda í starfið. Umsóknir geta gilt í sex mánuði frá birtingu auglýsingar, sbr. reglur nr. 1000/2019 um auglýsingar lausra starfa. Öllum umsóknum verður svarað að ráðningu lokinni.

Advertisement published11. September 2026

Application deadline25. September 2026

Language skills