Vélaeftirlitsmaður Fjölskyldu- og húsdýragarðs / Útilífsborg
Fjölskyldu- og húsdýragarðurinn (FHG) auglýsir eftir starfsmanni á verkstæði. FHG tilheyrir Útilífsborginni sem heyrir undir Menningar- og íþróttasvið Reykjavíkurborgar
Vélaeftirlitsmaður sinnir verkefnum FHG/Útilífsborgarinnar á sviði viðhalds, öryggis- og tæknimála með það að markmiði að umhverfi, búnaður og tæki séu ávalt í eins góðu ásigkomulagi og völ er á. Virkni búnaðar og tækja sé samkvæmt væntingum og að hvorki starfsmönnum, dýrum né gestum stafi hætta af notkun þeirra.
Við leitum að öflugum og úrræðagóðum iðnmenntuðum einstaklingi í fullt starf sem hefur mikinn áhuga á tækni-, véla- og öryggismálum.
Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.
- Umsjón, öryggi, eftirlit og viðhald á stórum leiktækjum garðsins.
- Umsjón og viðhald á vélum, tækjum og búnaði.
- Umsjón á umhverfis- og aðstöðumálum.
- Umsjón tæknimála vegna viðburða í garðinum.
- Er í viðbragðsteymi vegna bilanatilkynninga.
- Hreint sakavottorð í samræmi við lög sem og reglur Reykjavíkurborgar
- Sveinspróf í iðngrein sem nýtist í starfi.
- Bílpróf skilyrði.
- Vinnuvélaréttindi kostur.
- Fjölbreytt reynsla og þekking í iðngreinum er kostur.
- Góði hæfni í samskiptum, sjálfstæði í vinnubrögðum, skipulagshæfni og frumkvæði.
- Umsækjendur þurfa að hafa náð 18 ára aldri og hafa íslenskukunnáttu á stigi A2-B1 samkvæmt evrópska tungumálarammanum.
IcelandicIntermediate
EnglishBasic skills
