Umsjónarkennari í Náms – og starfssetri

Klettabær leitar að öflugum og lausnamiðuðum einstakling með jákvætt viðhorf og framúrskarandi samskiptahæfileika til að sinna starfi umsjónarkennara í Náms- og starfssetri Klettabæjar sem er sérhæft og einstaklingsmiðað nám er mætir færni og áhuga.

Meginmarkhópur Klettabæjar eru börn og ungmenni með margþættar þarfir sem þurfa sértæka og/eða einstaklingsmiðaða nálgun og þjónustu. Unnið er eftir hugmyndafræði um áfalla- og tengslamiðaðan stuðning. Markmiðið er að stuðla að jöfnum tækifærum ungs fólks til þátttöku og lífsgæða í samfélaginu á eigin forsendum. 

Í NOS er unnið eftir hugmyndafræðinni áfalla- og tengslamiðaður stuðningur. Miðað er að því að mæta hverjum og einum einstaklingi út frá þeirra þörfum með því að bjóða upp á eins þroskavænlegt námsumhverfi og hægt er. Miðað er að því að mæta nemanda þar sem hann er staddur hverju sinni. Horft er til áhugasviða hans og reynt að innleiða það í faggreinar.

Einkennisorð Klettabæjar eru ástríða, fagmennska, gleði og umhyggja.

Helstu verkefni og ábyrgð

Sér um kennslu sem felur í sér breytingu á námsmarkmiðum árganga, námsaðstæðum og kennsluaðferðum 
Vinnur að sjónrænni útfærslu á námsumhverfi í anda skipulagðrar kennslu
Hefur yfirsýn yfir starfið og skipuleggur það frá degi til dags með tilliti til mismunandi nálgunarleiða í kennslu og miðlun námsefnis  
Vinnur með deildarstjóra að gerð einstaklingsnámskrá fyrir hvern nemanda sem byggir á félags- og námslegri stöðu og metur reglulega ásamt öðrum sem að kennslunni koma
Setur upp hvatningarkerfi fyrir nemendur í samráði við fagteymi Klettabæjar 
Leiðbeinir stuðningsfulltrúum í starfi  
Tekur virkan þátt í að þróa skólastarfið  
Gerir stöðumatsskýrslu/mánaðaryfirlit fyrir hvern nemanda og skilar til aðila sem að málum nemanda koma 
Leggur áherslu á að skapa öryggi, tengsl og gott samstarf við nemendur 
Sér til þess að sérhver nemandi fái viðfangsefni við hæfi og hvetur til sjálfstæðra vinnubragða  
Vinnur önnur verkefni sem stjórn skólans óskar eftir