Pósturinn

Pósturinn er þjónustufyrirtæki sem sérhæfir sig í dreifingalausnum en dreifikerfi Póstsins nær um allt land og allan heim. Höfuðstöðvar Póstsins eru í Reykjavík en fyrirtækið starfrækir starfsstöðvar víðsvegar um landið til að þjónusta Íslendinga sem allra best. Við hjá Póstinum erum lausnamiðað keppnisfólk og tökum fagnandi á móti síbreytilegum áskorunum hvað varðar öflugar og hraðar dreifingalausnir sem standast kröfur viðskiptavinarins. Hjá okkur er lagt mikið uppúr liðsheild, þjálfun mannauðs og góðum starfsanda.

About

Tollfulltrúi í innflutningsdeild

Pósturinn leitar að nákvæmum og þjónustuliprum tollfulltrúa til starfa í innflutningsdeild á fjármálasviði. Tollfulltrúi ber ábyrgð á vinnslu tollskýrslna og tolltengdra gagna fyrir viðskiptavini Póstsins og á í samskiptum við viðskiptavini og tollayfirvöld. Tollfulltrúi er staðsettur á skrifstofum Póstsins í Reykjavík og heyrir undir deildarstjóra innflutningsdeildar.

Helstu verkefni og ábyrgð

Vinnsla og yfirferð tollskýrslna vegna inn- og útflutnings
Söfnun og yfirferð fylgigagna, reikninga og annarra upplýsinga vegna tollafgreiðslu
Tryggja að skráning sendinga uppfylli kröfur tollayfirvalda
Samskipti við viðskiptavini, tollayfirvöld, flutningsaðila og aðra samstarfsaðila
Greining og úrlausn frávika, þátttaka í umbótavinnu og eftirfylgni með breytingum á reglum og kröfum tengdum tollafgreiðslu

Menntunar- og hæfniskröfur

Menntun sem nýtist í starfi, tollmiðlaranámskeið er skilyrði
Góð íslensku- og enskukunnátta
Reynsla af tollafgreiðslu, þjónustustörfum eða sambærilegum verkefnum er kostur
Góð almenn tölvukunnátta. Þekking á SAP eða öðrum tollkerfum er kostur
Góð þjónustulund, samskiptahæfni og vönduð vinnubrögð

Umsóknarfrestur er til og með 9. nóvember 2026. Umsókn skal fylgja ferilskrá og kynningarbréf sem greinir frá ástæðu umsóknar og rökstuðningi fyrir hæfni í starfið. Öllum umsóknum verður svarað og farið er með umsóknir sem trúnaðarmál.

Hjá Póstinum starfar lausnamiðað starfsfólk sem tekur fagnandi á móti síbreytilegum áskorunum þar sem liðsheild, þjálfun og góður starfsandi er í forgrunni. Pósturinn leggur sitt lóð á vogarskálar til að stuðla að sjálfbærni og hefur uppfyllt öll markmið Grænna skrefa. Pósturinn er jafnlaunavottað fyrirtæki.

Advertisement published29. October 2026

Application deadline9. November 2026

Language skills