Talmeinafræðingur í Fellaskóla

Í Fellaskóla er fjölbreyttur og hæfileikaríkur nemendahópur. Flestir nemendanna tala fleiri en eitt tungumál og tengjast fjölmörgum löndum og menningarsvæðum. Með nemendum starfar öflugur hópur starfsfólks. Skólastarfið einkennist af jákvæðum skólabrag ásamt samvinnu sem miðar að því að koma til móts við ólíkar þarfir nemenda, styrkja samskipti innan nemendahópsins og skapa metnaðarfullt námsumhverfi án aðgreiningar þar sem nemendur geta látið drauma sína rætast. Við höfum undanfarið unnið að ýmsum verkefnum til að bæta kennslu og aðra þjónustu við nemendur. Megináhersla er á málþroska og læsi, leiðsagnarnám og teymisvinnu kennara, ásamt tónlist og skapandi skólastarfi. Mikil áhersla er á læsi í yngstu árgöngunum og við vinnum náið með leikskólum hverfisins til að efla málþroska nemenda. Fellaskóli er símalaus skóli, sem þýðir að nemendur nota ekki síma á skólatíma. Við bjóðum upp á skemmtilegt starfsumhverfi, flottan starfsmannahóp og rík tækifæri til að þróast í starfi.

Fellaskóli leitar að talmeinafræðingi sem er frumkvöðull og tilbúinn að finna nýjar leiðir svo að áherslur skólans varðandi málþroska, læsi á tölur og bókstafi og orðaforða nái til allra nemenda. Talmeinafræðingur vinnur náið með verkefnisstjóra málþroska- og læsis, deildarstjóra stoðþjónustu, kennurum og kemur að samstarfi við leikskóla hverfisins.

Talmeinafræðingur verður í samstarfi við talmeinafræðinga á þjónustumiðstöð (Suðurmiðstöð)