Tækniþjónusta ELKO Skeifunni-Helgarstarf

Við leitum að einstaklingi í helgarstarf í tækniþjónustu ELKO í Skeifunni.
Viðkomandi þarf að geta sýnt frumkvæði, tekist á við krefjandi verkefni og hugsað í lausnum.

Starfið hentar fólki með mikinn áhuga á tækni, þjónustu og samskiptum.
Hlutverk og ábyrgðStarfið felur í sér uppsetningu, bilanagreiningar, ástandsskoðanir, almenna afgreiðslu- og þjónustustörf við tækniþjónustu ELKO í Skeifunni.

Vinnutími

Um helgarstarf er að ræða og unnið er laugardaga og sunnudaga, aðra hverja helgi, samkvæmt vaktaplani sem liggur fyrir mánuð fram í tímann.
Hæfniskröfur:

• Góð almenn tölvu- og tæknikunnátta æskileg
• Kunnátta á uppsetningu og bilanagreiningu á fartölvum, spjaldtölvum og farsímum kostur
• Góð samskiptahæfni
• Sé hugmyndaríkur, kraftmikill einstaklingur sem getur unnið sjálfstætt
• Sýni frumkvæði í starfi og geti tekist á við krefjandi verkefni með bros á vör
• Hafi hreint sakavottorð
• Góð íslenskukunnátta skilyrði

ELKO leggur mikið upp úr góðum starfsanda. Tekið er vel á móti nýju starfsfólki þar sem það fær tilskylda þjálfun til þess að geta sinnt krefjandi og skemmtilegum verkefnum sem koma upp í daglegu starfi og þjónustu við viðskiptavini.

Fríðindi í starfi

• Styrkur til heilsueflingar
• Afsláttarkjör hjá ELKO, Krónunni, Lyfju og N1
• Aðgangur að velferðapakka ELKO
• Aðgangur að fræðslupakka ELKO og Akademias

Frekari upplýsingar veitir Magnús T. Magnússon verslunarstjóri, [email protected]
Umsóknarfrestur er til og með 16.ágúst.