Tækniteiknari

VBV óskar eftir því að bæta við sig tækniteiknara í fullt starf. Verkefni tækniteiknara eru fjölbreytt á sviði samgöngumannvirkja, burðarþolshönnun, lagnahönnun og vega- og gatnahönnun. Starfið býður upp á mikil tækifæri fyrir einstakling sem vill læra af og öðlast reynslu á þessu sviði undir handleiðslu reyndra verkfræðinga og framúrskarandi tækniteiknara, en VBV hefur yfir 25 ára reynslu á íslenskum og erlendum vettvangi.

Við erum lítill og sveigjanlegur hópur sem leggur sig fram um að finna hagkvæmar og góðar lausnir fyrir viðskiptavini okkar. Fjölskyldurekið fyrirtæki sem býður upp á mikinn sveigjanleika, jákvætt starfsumhverfi og fjölskylduvænan vinnustað.