Tæknimaður – Fastus expert Akureyri
Hefur þú brennandi áhuga á tækni og þjónustu? Ert þú vélstjóri, rafvirki eða rafeindavirkjameistari sem leitar að spennandi tækifæri á Akureyri?
Fastus Expert leitar að metnaðarfullum, sjálfstæðum og lausnamiðuðum tæknimanni í fjölbreytt og krefjandi starf á Akureyri. Um er að ræða starf sem spannar fjölbreytt og sérhæfð verkefni tengd uppsetningu, viðhaldi og viðgerðum á iðnaðartækjum sem fyrirtækið þjónustar fyrir veitingastaði, stóreldhús og kælikerfi – allt frá ísskápum upp í frystiklefa. Starfið felur í sér bæði verkstæðisvinnu og útköll til viðskiptavina á vettvangi.
Ef þú ert tilbúinn að takast á við spennandi áskoranir, læra nýja hluti og taka virkan þátt í því að veita framúrskarandi þjónustu til viðskiptavina, þá viljum við endilega heyra frá þér!
Um er að ræða 100% starf. Sótt er um í gegnum alfred.is
- Uppsetning, viðhald og viðgerðir á tækjabúnaði sem fyrirtækið selur og þjónustar
- Þjónusta og bilanagreining á búnaði hjá viðskiptavinum
- Skráning vinnu og þjónustu í viðhaldskerfi
- Samskipti við viðskiptavini og erlenda birgja vegna tæknilegra úrlausna
- Samvinna og samskipti við aðrar starfsstöðvar Fastus í Reykjavík og á Selfossi
- Önnur tilfallandi verkefni í samráði við stjórnendur
- Sveins- eða meistarabréf í rafvirkjun, rafeindavirkjun eða vélstjóraréttindi
- Reynsla af viðhaldi og/eða uppsetningu tækjabúnaðar
- Frumkvæði, jákvætt viðmót og hæfni til að vinna sjálfstætt
- Góð samskiptahæfni og þjónustulund
- Bílpróf
- Góð tölvukunnátta og hæfni til að skrá vinnu í stafrænar lausnir
- Góð íslensku- og enskukunnátta
- Vilji og geta til að sækja tækninámskeið hjá erlendum framleiðendum
