Sveitarfélagið Vogar

Sviðsstjóri fjölskyldusviðs

Sveitarfélagið Vogar auglýsir eftir metnaðarfullum einstaklingi til að taka að sér fjölþætt starf sviðsstjóra fjölskyldusviðs sem er nýtt fagsvið hjá sveitarfélaginu. Sviðsstjóri veitir sviðinu faglega og stjórnunarlega forystu og starfar í samræmi við stefnu sveitarfélagsins og lög og reglugerðir er varða starfsemina. Sviðsstjóri er mótandi í starfi sínu og hefur frumkvæði að notendamiðaðri þjónustu og lausn verkefna er varða farsæld barna og velferð íbúa.

Helstu verkefni og ábyrgð

Veitir sviðinu faglega, stjórnunarlega og rekstarlega forystu og ber ábyrgð á starfsemi þess
Ábyrgð á starfs- og fjárhagsáætlunum fjölskyldusviðs
Umsjón með starfsemi nefnda og hefur yfirsýn í málaflokkum sviðsins
Hefur eftirlit með framkvæmd samninga sem í gildi eru og heyra undir sviðið
Ráðgjöf og stuðningur við stjórnendur á fjölskyldusviði
Samskipti við bæjarstjórn, bæjarráð, fastanefndir sveitarfélagsins á vettvangi málaflokkanna, önnur sveitarfélög, stofnanir og aðra hagaðila
Kemur að mótun og framfylgir stefnu sveitarfélagsins í skóla-, frístunda- og velferðarmálum
Stuðlar að umbótaverkefnum á sviðinu

Menntunar- og hæfniskröfur

Háskólamenntun sem nýtist í starfi
Framhaldsmenntun tengd starfsvettvangi sviðsins er æskileg
Þekking og reynsla af opinberri stjórnsýslu og störfum hjá sveitarfélagi er kostur
Reynsla af stjórnun, stefnumótun og mannauðsmálum er kostur
Reynsla af gerð fjárhagsáætlana og rekstrarstjórnunar er æskileg
Góð þekking á helstu málaflokkum fjölskyldusviðs
Leiðtoga-, samstarfs- og samskiptahæfni
Skipulagsfærni og forgangsröðun verkefna
Sjálfstæði í vinnubrögðum og frumkvæði
Góð íslensku- og enskukunnátta og hæfni til að tjá sig í ræðu og riti
Góð tölvukunnátta og þekking á upplýsingatækni
Metnaður til að ná árangri í starfi

Í Sveitarfélaginu Vogum búa um 1.900 manns og er það umkringt fallegri náttúru Reykjanessins auk nálægðar við sjó með skemmtilegum gönguleiðum og fuglalífi. Sveitarfélagið er vel staðsett í nágrenni við þjónustu höfuðborgarsvæðisins og alþjóðaflugvallar en býður upp á kyrrlátt, vinalegt og fjölskylduvænt umhverfi.

Á fjölskyldusviði eru m.a. Stóru-Vogaskóli, Heilsuleikskólinn Suðurvellir en skóla- og velferðarþjónusta veitt í samstarfi við nágrannasveitarfélag. Í Sveitarfélaginu Vogum er fjölbreytt velferðar- og frístundastarf fyrir íbúa á öllum aldri og er samfélagið ríkt af félagsauði. Það birtist meðal annas í öflugu samstarfi leik- og grunnskóla sem og góðu samstarfi leik- og grunnskólabarna við eldri borgara. Í sveitarfélaginu eru fjölmörg félagasamtök sem sinna mikilvægu hlutverki í samstarfi við sveitarfélagið. Í íþróttamiðstöð sveitarfélagsins er sundlaug og fjölbreytt íþróttaaðstaða fyrir skólana, íþróttafélög og bæjarbúa.

Umsóknum skal fylgja ítarleg náms- og starfsferilsskrá, auk kynningarbréfs þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Öllum umsóknum verður svarað þegar ákvörðun um ráðningu liggur fyrir.

Eingöngu er tekið á móti umsóknum í gegnum ráðningarvef Hagvangs, www.hagvangur.is

Nánari upplýsingar

Geirlaug Jóhannsdóttir – [email protected]

Advertisement published11. June 2025

Application deadline27. June 2025

Language skills