Fangelsismálastofnun

Hlutverk Fangelsismálastofnunar er að sjá um fullnustu refsinga og önnur verkefni í samræmi við ákvæði laga um fullnustu refsinga og reglugerða settum samkvæmt þeim. Að annast eftirlit með þeim sem frestað er ákæru gegn, dæmdir eru skilorðsbundið, fá skilorðsbundna reynslulausn, náðun eða frestun afplánunar. Að sjá um að í fangelsum sé veitt sérhæfð þjónusta svo sem kveðið er á um í lögum og öðrum reglugerðum. Að hafa umsjón með rekstri fangelsa.

About

Staða öryggisstjóra hjá Fangelsismálastofnun ríkisins

Fangelsismálastofnun ríkisins heyrir undir dómsmálaráðuneytið. Stofnunin fer með yfirstjórn fangelsismála, m.a. umsjón með rekstri fangelsa og tryggir að fullnusta refsinga fari fram með öruggum og skilvirkum hætti í samræmi við lög um fullnustu refsinga nr. 15/2016. Áhersla er lögð á vellíðan í starfi og jákvæðan starfsanda auk þess sem tryggja þarf að starfsfólk búi yfir þeirri hæfni sem þarf til að ná árangri í krefjandi starfsumhverfi. Hjá stofnuninni starfa alls um 160 starfsmenn, flestir fangaverðir, á fimm mismunandi starfsstöðvum, fjórum fangelsum og skrifstofu sem staðsett er á Seltjarnarnesi. Fangelsin fjögur eru: Fangelsið Hólmsheiði og Fangelsið Litla-Hrauni sem eru lokuð fangelsi og Fangelsið Sogni og Fangelsið Kvíabryggju sem eru opin fangelsi.

Öryggisstjóri mun starfa þvert á fangelsi og heyra beint undir forstjóra Fangelsismálastofnunar. Starfsstöð verður eftir nánara samkomulagi.

Helstu verkefni og ábyrgð

Stefnumótun í öryggismálum fangelsa í samráði við Fangelsismálastofnun.
Umsjón öryggismála í fangelsunum í samráði við deildarstjóra öryggis og eftirlits.
Umsjón með fræðslu, endurmenntun og þjálfun fangavarða í atriðum er varða öryggismál, þ.á m. í valdbeitingu og notkun fjötra og vopna.
Umsjón með gæðamálum er varða öryggismál, s.s. gerð gæðahandbókar, verkferla, verklagsreglna, gátlista og viðbragðsáætlana í fangelsunum.
Umsjón með öryggisbúnaði fangelsa, þ.á m. öryggisbúnaði fangavarða.
Önnur verkefni samkvæmt ákvörðun Fangelsismálastofnunar.

Menntunar- og hæfniskröfur

Menntun sem nýtist í starfi, t.d. á sviði fangelsis-, löggæslu- og/eða öryggisfræða.
Menntun á sviði fangavarðafræða er kostur.
Við ráðningu verður horft til starfsreynslu sem nýst getur í starfi.
Reynsla og þekking af öryggismálum er nauðsynleg.
Reynsla og þekking af gæðamálum er nauðsynleg.
Reynsla og þekking af verkefnastjórn er kostur.
Forysta og hæfni til að leiða fólk og stjórna verkefnum.
Frumkvæði, drifkraftur, metnaður og jákvætt og lausnamiðað hugarfar.
Samskiptafærni og vilji til þess að vinna með fólki.
Skipulagsfærni og nákvæmni í vinnubrögðum.
Góð færni í íslensku og ensku í ræðu og riti.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Um dagvinnu er að ræða. Sá sem ráðinn er í starfið nýtur réttinda og ber skyldur skv. lögum um réttindi og skyldur starfsmanna ríkisins nr. 70/1996.

Tekið er mið af jafnréttisstefnu Fangelsismálastofnunar ríkisins við ráðningar. Fangelsismálastofnun hefur hlotið jafnlaunavottun samkvæmt Jafnlaunastaðlinum ÍST85:2012.

Umsóknum skal skilað inn á vef Starfatorgs. Með umsókn skal fylgja starfsferilskrá, afrit af prófskírteinum og kynningarbréf þar sem gerð er grein fyrir ástæðu umsóknar og hæfni umsækjanda sem nýtist til að sinna starfinu í samræmi við þær hæfniskröfur sem fram koma í auglýsingu.

Umsóknir sem berast eftir að umsóknarfresti lýkur verða ekki teknar til greina. Öllum umsóknum verður svarað þegar ákvörðun um ráðningu hefur verið tekin.

Athygli skal vakin á því að áður en að ráðningu í starf öryggisstjóra kemur skal umsækjandi, að fengnu samþykki hans, undirgangast bakgrunnsskoðun skv. 10. gr. laga nr. 15/2016 um fullnustu refsinga. Í því felst upplýsingaöflun aftur í tímann m.a. úr sakaskrá og skrám lögreglu.

Starfshlutfall er 100 %
Umsóknarfrestur er til og með 30.12.2024

Advertisement published12. December 2024

Application deadlineNo deadline

Language skills