Sölustjóri – Advise ehf

Advise er íslenskt hugbúnaðarfyrirtæki í örum vexti og með háleit markmið. Við leitum að drífandi og sjálfstæðum sölustjóra sem ber ábyrgð á sölu, uppbyggingu sölupípu og árangursmælingum.

Þetta er sjálfstæð staða sem snýr að því að finna ný sölutækifæri, kynna húgbúnaðarlausnina, loka samningum og halda utan um CRM.

Helstu verkefni

• Byggja upp og stýra sölupípu frá fyrstu snertingu

• Finna og sækja ný tækifæri og vinna markvisst með lykilviðskiptavinum

• Greina þarfir viðskiptavina og leiða söluferlið áfram

• Halda vörukynningar og setja upp viðskiptafundi við líklega viðskiptavini

• Byggja upp og viðhalda góðum samskiptum við stjórnendur og aðra lykilaðila

• Halda CRM snyrtilegu, skrá samskipti og næstu skref

• Skila skýrslum um sölupípu, söluspár og helstu mælikvarða

Hæfniskröfur

• Reynsla af B2B sölu, helst í hugbúnaði/SaaS

• Sjálfstæði, gott skipulag og sterkur drifkraftur

• Góð samskiptahæfni, reynsla af sölu, samningum og framsetningu

• Skilningur á gögnum gagnavinnslu og fjárhagsmælikvörðum

• Þekking á rekstri fyrirtækja og þörfum þeirra í fjármálagreiningu

• Reynsla af CRM og skýrslugerð (HubSpot er kostur)

• Mjög góð íslenska og enska

Um Advise

Advise er íslensk hugbúnaðarlausn á sviði viðskiptagreindar, sniðin að þörfum stjórnenda og annarra hagsmunaaðila fyrirtækja. Lausnin veitir skýra innsýn í rekstur fyrirtækja, eykur aðhald og styður gagnadrifna ákvarðanatöku.

Meðal hluthafa Advise er Origo. Við vinnum stöðugt að framþróun lausnarinnar og stefnum á erlenda markaði á næstu mánuðum.

Umsókn

Sendu inn ferilskrá og stutta kynningu. Umsóknum verður svarað jafnóðum og farið er með allar fyrirspurnir sem trúnaðarmál.