Orka náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun. ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum. ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar. ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

About

Forstöðumaður einstaklings- og fyrirtækjalausna

Orka náttúrunnar leitar að framsýnum leiðtoga í hlutverk forstöðumanns einstaklings- og fyrirtækjalausna.

Um er að ræða mikilvægt hlutverk í framkvæmdastjórn félagsins.

Sem forstöðumaður einstaklings- og fyrirtækjalausna berð þú ábyrgð á þjónustu ON við viðskiptavini á einstaklings- og fyrirtækjamarkaði. Þú leiðir öflugt teymi og mótar stefnu með það að markmiði að vöruframboð og þjónustulausnir séu í senn arðbærar og eftirsóknarverðar.

Svið einstaklings- og fyrirtækjalausna gegnir lykilhlutverki í því að tryggja framúrskarandi upplifun viðskiptavina, drífa áfram orkuskipti í samgöngum og tryggja tengingu milli markaðar, vöru, tækni og reksturs.

Forstöðumaður leiðir sviðið í nánu samstarfi við framkvæmdastjórn og ber ábyrgð á heildarárangri þess.

Ef þú vilt taka virkan þátt í að móta raforkulausnir til framtíðar, býrð yfir framúrskarandi samskiptafærni og brennandi áhuga á nýsköpun þá hvetjum við þig til að kynna þér starfið.

Helstu verkefni og ábyrgð

Ábyrgð á áherslum og markmiðum sviðsins til framtíðar, t.d. við ræktun viðskiptatengsla, þróun vöruframboðs og þjónustu við ánægðustu viðskiptavini á raforkumarkaði undanfarin 7 ár skv. Íslensku ánægjuvoginni
Mótun og rekstur stefnu sviðsins í samræmi við heildarstefnu Orku náttúrunnar
Ábyrgð á uppbyggingu og rekstri hleðsluinnviða, þ.m.t. hleðsluáskriftum og almenningsneti
Heildstæð vöruþróun sviðsins og nýsköpun í þjónustulausnum fyrir einstaklinga og fyrirtæki
Heildræn yfirsýn yfir rekstur sviðsins, með áherslu á festu, virkt kostnaðareftirlit, tekjustýringu, verðmótun og skilvirka forgangsröðun
Ábyrgð á árangursmælingum (KPI), áætlunargerð og eftirfylgni
Arðsemis- og markaðsgreiningar með áherslu á umbóta- og vaxtartækifæri
Leiðtogahlutverk gagnvart stjórnendum sviðsins og stuðningur við faglega forystu þeirra
Virk þátttaka í framkvæmdastjórn og stefnumótun félagsins

Menntunar- og hæfniskröfur

Við leitum að árangursdrifnum leiðtoga sem býr yfir:

Marktækri reynslu af því að byggja upp liðsheild og leiða til árangurs
Umtalsverðri stjórnunar- og rekstrarreynslu úr samkeppnisumhverfi
Reynslu af sölu, þjónustu eða viðskiptastýringu, helst í flóknu og tæknitengdu umhverfi
Ríkri umbótahugsun auk framúrskarandi samstarfs- og samskiptahæfileika
Þekkingu og reynslu af því að nýta tækni og nýsköpun til að bæta þjónustuupplifun
Sterkri greiningafærni og reynslu af arðsemis-, kostnaðar- og tekjugreiningum
Færni til tjáningar í ræðu og riti á íslensku og ensku
Metnaði, drifkrafti og seiglu til að uppfylla krefjandi markmið
Háskólamenntun sem nýtist í starfi, t.d. í verkfræði, viðskiptafræði, hagfræði eða sambærilegu

Umsókn um starfið skal fylgja ferilskrá og kynningabréf þar sem umsækjendur gera grein fyrir hæfni sinni í starfið með vísan í hæfniskröfur.

Við tökum jafnréttið alvarlega!

Við viljum hafa sem fjölbreyttastan hóp starfsfólks og hvetjum því öll kyn til að sækja um starfið.

Umsóknarfrestur er til og með 22. febrúar 2026.

Nánari upplýsingar veitir Árni Hrannar Haraldsson, framkvæmdastjóri Orku náttúrunnar, [email protected].

Eingöngu er tekið á móti umsóknum á vef Orku náttúrunnar.

Farið er með allar umsóknir sem trúnaðarmál og verður listi yfir umsækjendur ekki birtur.

Um Orku náttúrunnar

Orka náttúrunnar framleiðir rafmagn og heitt vatn í jarðhitavirkjunum á Hellisheiði og Nesjavöllum ásamt framleiðslu rafmagns með vatnsafli í Andakílsárvirkjun.

ON er stærsta jarðvarmafyrirtæki landsins og selur rafmagn til fyrirtækja og heimila um allt land en framleiðir heitt vatn til sölu og dreifingar hjá systurfélagi þess, Veitum.

ON er dótturfélag Orkuveitunnar sem er í eigu Reykjavíkurborgar, Akraneskaupstaðar og Borgarbyggðar.

ON framleiðir ekki bara umhverfisvæna orku fyrir heimili, fyrirtæki og farartæki heldur leggur fyrirtækið einnig ríka áherslu á rannsóknir, nýsköpun og sjálfbærni með það fyrir augum að tryggja komandi kynslóðum betri lífsgæði.

Hvernig vinnustaður er Orkuveitan?

Advertisement published10. February 2026

Application deadline22. February 2026

Language skills