Snyrtivöruráðgjafi – L'Occitane & SKINCARELAB Smáralind

Langar þig að vinna með nokkrum af vinsælustu snyrti-, húð- og hárvörumerkjum heims?

Hjá L'Occitane & SKINCARELAB verslununum í Smáralind færð þú tækifæri til að vinna með vörumerkjum á borð við L'Occitane en Provence, Erborian, Pixi, K18, Novexpert, Xlash og PUPA Milano ásamt því að vera hluti af samheldnu teymi sem hefur brennandi áhuga á fegurð, vellíðan og framúrskarandi þjónustu.

Við leitum að metnaðarfullum og þjónustulunduðum einstaklingi sem vill taka virkan þátt í að skapa einstaka upplifun fyrir viðskiptavini okkar. Ef þú hefur áhuga á snyrtivörum, húðumhirðu og hárumhirðu, býrð yfir góðri samskiptahæfni og hefur gaman af teymisvinnu gæti þetta verið starfið fyrir þig.

Starfshlutfall er 85- 90% og er vinnutími á virkum dögum breytilegur á tímabilinu frá kl. 10:30–19:00 og annan hvern laugardag. Um framtíðarstarf er að ræða.

Í versluninni starfar samhentur hópur fólks sem deilir ástríðu fyrir náttúrulegri fegurð, nútímalegri húðvörurútínu og frábærri þjónustu. Við leggjum áherslu á hlýlegt viðmót, þekkingu á vörum og sterka tengingu við viðskiptavini.

Við hvetjum öll áhugasöm – óháð kyni – til að sækja um og verða hluti af nýju og spennandi verkefni með alþjóðlegum og vaxandi vörumerkjum.