Vistor

Sérfræðingur í viðskiptaþróunar- og greiningardeild

Ertu talnaglögg/ur með brennandi áhuga á greiningum?

Vistor leitar að metnaðarfullum sérfræðingi í viðskiptaþróun og greiningum sem vill taka virkan þátt í að móta framtíð lyfjamarkaðarins á Íslandi. Starfið einkennist af frumkvæði, sjálfstæði og tækifærum til að hafa áhrif, bæði innan fyrirtækisins og fyrir samfélagið í heild.

Viðkomandi starfar í nánu samstarfi við markaðsstjóra og sérfræðinga í teymi viðskiptaþróunar og greiningar, þar sem greiningar, gögn og innsýn eru nýtt til að taka upplýstar og framsæknar ákvarðanir.

Helstu verkefni og ábyrgð

Greining á markaði, tækifærum og þróun lyfja
Áætlanagerð og eftirfylgni með markmiðum og áætlunum
Kostnaðar- og ábatagreiningar á lyfjameðferðum
Verðútreikningar og vinna við umsóknir um greiðsluþátttöku
Samskipti við opinbera aðila og birgja
Öflun, úrvinnsla og skýr framsetning gagna til ákvarðanatöku

Menntunar- og hæfniskröfur

Háskólamenntun sem nýtist í starfi, t.d. menntun í viðskipta- eða verkfræði, heilsuhagfræði og/eða heilbrigðisvísindum
Framúrskarandi hæfni í greiningum, gagnavinnslu og skýrslugerð(Excel og Power BI eru skilyrði)
Áhugi og drifkraftur til að nýta gervigreind, sjálfvirknivæðingu og stafræna gagnavinnslu til að skapa ný tækifæri og styrkja ákvarðanatöku.
Sjálfstæð og skipulögð vinnubrögð, sterk samskiptafærni og hæfni til að vinna þvert á teymi og fagaðila
Þekking á lyfjamarkaði og íslensku heilbrigðiskerfi er kostur

Fríðindi í starfi

Hollur og góður morgun- og hádegisverður
Aðgangur að sund- og líkamsræktarstöð
Niðurgreiðsla á sálfræðiþjónustu
Heilsuræktarstyrkur
Samgöngustyrkur

Umsóknarfrestur er til og með 21.janúar nk.

Vistor er leiðandi í greiningu og viðskiptaþróun á lyfjamarkaði á Íslandi, með það markmið að bæta aðgengi að lyfjum og styðja við upplýsta og faglega ákvarðanatöku í heilbrigðiskerfinu.

Stefna Vistor er að stuðla að jafnrétti og fjölbreytileika meðal starfsfólks og hvetjum við einstaklinga af öllum kynjum til að sækja um. Tekið er við umsóknum í gegnum ráðningarvef Vistor.

Nánari upplýsingar veita Sonja Arnórsdóttir, Sviðsstjóri Viðskiptaþróunar og greiningar, [email protected] og Harpa Víðisdóttir, mannauðsstjóri, [email protected]

Advertisement published14. January 2026

Application deadline25. January 2026

Language skills