Sérfræðingur í tækniþróun og nýsköpun
Hefur þú áhuga á nýsköpun í orkugeiranum?
Við leitum að sérfræðingi sem vill greina tækifæri, þróa nýjar lausnir og koma þeim í framkvæmd þar sem þær skapa mælanlegt virði fyrir rekstur virkjana ON.
Starfið tilheyrir Tækniþróun, deild þar sem unnið er að þróunar- og fjárfestingarverkefnum, forhönnun og umbótum sem móta núverandi rekstur og framtíð virkjana ON.
Sérfræðingur í tækniþróun og nýsköpun tengir saman tæknilega þekkingu, greiningar, líkön og nýja tækni til að greina tækifæri, þróa lausnir og styðja við innleiðingu umbóta í rekstri.
Í hlutverkinu munt þú vinna með nýjar tæknilausnir, gagnanýtingu, sjálfvirknivæðingu og gervigreind þar sem þær skapa aukið virði fyrir rekstur virkjana.
Þú munt jafnframt sinna rekstrargreiningum og taka þátt í fjölbreyttum þróunar- og nýsköpunarverkefnum sem snerta flesta anga virkjanarekstursins.
Starfið býður upp á tækifæri til að vinna að verkefnum allt frá frumhugmynd og tæknilegri greiningu til prófana, mats og innleiðingar, í nánu samstarfi við sérfræðinga og teymi þvert á fyrirtækið.
Ef þú vilt nýta tækni og nýsköpun til að vinna að umbótum á starfsemi virkjana þá gæti þetta verið starfið fyrir þig.
- Þekking á jarðvarma, orkuframleiðslu, tækniþróun eða nýsköpun í tæknilegu umhverfi
- Hæfni til að greina flókin tæknileg og rekstrarleg viðfangsefni og styðja ákvarðanatöku með gögnum og faglegu mati
- Frumkvæði, lausnamiðuð hugsun og geta til að vinna með fjölbreytt og ómótuð verkefni
- Góð samskiptafærni og hæfni til samstarfs við ólíka faghópa
- Menntun sem nýtist í starfi, svo sem á sviði verkfræði, tæknifræði, raunvísinda eða skyldra greina
Umsókn um starfið skal fylgja ferilskrá og kynningabréf þar sem umsækjendur gera grein fyrir hæfni sinni í starfið með vísan í hæfniskröfur.
