Hagstofa Íslands

Hagstofa Íslands er miðstöð opinberrar hagskýrslugerðar í landinu og vinnur að söfnun gagna, úrvinnslu og birtingu tölfræðilegra upplýsinga um landshagi Íslands og þjóðfélagsleg málefni. Hjá Hagstofunni starfar öflugur hópur 125 starfsmanna. Starfsumhverfið er fjölskylduvænt með sveigjanlegum vinnutíma og styttri vinnuviku. Boðið er upp á heilsustyrk fyrir þá sem hreyfa sig og samgöngustyrk fyrir þá sem nýta umhverfisvænan ferðamáta til vinnu. Virkt starfsmannafélag skipuleggur ýmsa viðburði fyrir starfsfólk. Leiðarljós Hagstofunnar eru þjónusta – áreiðanleiki - framsækni. Frekari upplýsingar um stofnunina má finna á vef Hagstofunnar www.hagstofa.is

About

Sérfræðingur í gagnatækni

Langar þig að þróa gagnalausnir sem stuðla að upplýstu samfélagi?

Hagstofa Íslands leitar að sérfræðingi í gagnatækni á gagnasviði með brennandi áhuga á sjálfvirknivæðingu og áreiðanleika gagna. Í þessu mikilvæga starfi munt þú taka virkan þátt í stafrænni vegferð Hagstofunnar þar sem gæði og öryggi gagna eru sett í fyrirrúmi. Með teymi sérfræðinga munt þú móta og þróa vöruhús gagna Hagstofunnar með nýjustu lausnum í gagnatækni og sjálfvirkni. Þín sérþekking mun auka gagnavirði stofnunarinnar og styðja við stefnu hennar um skilvirka og samræmda vinnslu gagna.

Helstu verkefni og ábyrgð

Áhersla er lögð á samskipti við gagnaveitendur og samstarf við öll svið Hagstofunnar, auk uppbyggingar vöruhúss gagna. Starfið felur í sér innleiðingu gagnalausna, greiningu á gagnagæðum og þróun eftirlitskerfa og mælaborða. Markmiðið er að efla stafræna þróun og gæði gagnaferla með aukinni sjálfvirkni og tryggja þannig áreiðanleika í gagnaflæði Hagstofunnar. Starfið er mikilvægur þáttur í að styðja framtíðarsýn Hagstofunnar um nútímaleg og áreiðanleg gögn sem þjóna samfélaginu.

Við leitum að einstaklingi sem hefur metnað til að hafa raunveruleg áhrif á framtíð gagna á Íslandi.

Menntunar- og hæfniskröfur

Hæfniskröfur

Háskólamenntun í tölvunarfræði, verkfræði eða skyldum greinum, framhaldsmenntun er kostur
Þekking á hönnun vöruhúsa gagna
Mjög góð kunnátta í SQL
Kunnátta í Python og/eða R er kostur
Færni í Power BI
Sterk gagnagreiningarhæfni
Góð samskipta- og samvinnuhæfni
Sjálfstæð vinnubrögð með lausnamiðaðri nálgun
Reynsla af ETL-ferlum er kostur
Reynsla af uppbyggingu gagnamódela er kostur

Fríðindi í starfi

Hvað býður Hagstofan upp á?

Krefjandi og spennandi verkefni
Vinnu í samfélagslega mikilvægu hlutverki
Skemmtilegt samstarfsfólk
Gott mötuneyti
Íþróttastyrk
Samgöngustyrk
Sveigjanlegan vinnutíma
Styttingu vinnuvikunnar
Möguleika til fjarvinnu
Hjólageymslu og bílastæði

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Með umsókn þarf að fylgja ferilskrá ásamt kynningarbréfi þar sem gerð er grein fyrir hæfni umsækjanda í starfið.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir gilda í sex mánuði frá því umsóknarfrestur rennur út. Öll sem telja sig hæf í starfið eru hvött til að sækja um óháð kyni og uppruna. Tekið er mið af jafnréttisstefnu Hagstofu Íslands við ráðningar í störf.

Hagstofa Íslands er miðstöð opinberrar hagskýrslugerðar í landinu og vinnur að söfnun gagna, úrvinnslu og birtingu tölfræðilegra upplýsinga um landshagi Íslands og þjóðfélagsleg málefni. Hjá Hagstofunni starfar öflugur hópur 125 einstaklinga. Starfsumhverfið er fjölskylduvænt með sveigjanlegum vinnutíma og styttri vinnuviku. Boðið er upp á heilsustyrk fyrir þá sem hreyfa sig og samgöngustyrk fyrir þá sem nýta umhverfisvænan ferðamáta til vinnu. Virkt starfsmannafélag skipuleggur fjölbreytta viðburði fyrir starfsfólk. Leiðarljós Hagstofunnar eru þjónusta - áreiðanleiki - framsækni. Frekari upplýsingar um stofnunina má finna á vef Hagstofunnar www.hagstofa.is

Starfshlutfall er 100%

Umsóknarfrestur er til og með 02.12.2024