Sérfræðingur í bílabreytingum fyrir fatlað fólk

Markmið okkar er að bæta lífsgæði og stuðla að aukinni þátttöku fatlaðs fólks í samfélaginu.

Öryggismiðstöðin auglýsir eftir sérfræðingi með áherslu á ráðgjöf og sölu á bílabreytingum fyrir fatlað fólk.

Við leitum eftir starfsmanni með mjög sterkan tæknilegan bakgrunn sem er lausnamiðaður, hvetjandi og tilbúinn að taka virkan þátt í faglegri þróun.

Um er að ræða framtíðarstarf í öflugu og samhentu fagteymi á traustum og metnaðarfullum vinnustað. Lögð er rík áhersla á jákvæðni, fagmennsku og virðingu gagnvart vinnustaðnum og viðskiptavinum sem til okkar leita.

Tækifæri eru til að auka þekkingu innan velferðartækni og vinna með skemmtilegu fólki. Mikil áhersla er lögð á einstaklingsmiðaða þjónustu í þverfaglegri samvinnu.

Hæfniskröfur:

• Reynsla af ráðgjöf við val eða þjónustu við hjálpartæki er mjög mikill kostur
• Tæknileg þekking og menntun sem nýtist í starfi er mikill kostur
• Þekking, reynsla og áhugi á bílum og bílabreytingum er mikill kostur
• Að hafa brennandi áhuga og getu til að tileinka sér þekkingu á velferðartækni
• Hæfni í mannlegum samskiptum og jákvætt viðmót
• Drifkraftur ásamt áhuga, vilja og elju til að ná árangri í starfi
• Skipulagshæfni, frumkvæði og sjálfstæð vinnubrögð
• Rík þjónustulund og jákvæðni
• Góð íslensku- og enskukunnátta
• Góð tölvufærni er nauðsynleg

Helstu verkefni sérfræðings eru:

Að veita faglega ráðgjöf, greina þarfir og finna viðeigandi lausnir fyrir fagaðila, stofnanir, fyrirtæki og einstaklinga. Setja á skýran hátt fram hvernig lausnir okkar í velferðartækni styðja við og bæta lífsgæði notanda. Halda kynningar, gera tilboð og fylgja eftir verkefnum. Vera tæknilegur leiðtogi vöruflokksins og þátttakandi í áframhaldandi þróun hans. Finna má greinargóðar upplýsingar um lausnir í velferðartækni á www.oryggi.is.

Sækja skal um starfið í gegnum Alfreð.

Nánari upplýsingar um starfið veitir Ómar Örn Jónsson, framkvæmdastjóri Velferðarlausna, í síma 570 2400 eða netfang [email protected].

Umsóknarfrestur er til 16. júní. 2025

Farið verður með allar umsóknir sem trúnaðarmál. Vakin er athygli á því að starfsmenn Öryggismiðstöðvarinnar þurfa að skila inn sakavottorði.