Sérfæðisstjóri

Hefur þú brennandi áhuga á mat og matargerð? Viltu hafa áhrif á þróun skólamáltíða nemenda með sérþarfir? Þá erum við í Skólamat með starfið fyrir þig!

Skólamatur óskar eftir að ráða starfsmann í sérfæðiseldhús sitt að Iðavöllum 3 í Reykjanesbæ.

Sérfæðisstjóri er yfirmaður í þeirri deild fyrirtækisins sem sér um og framleiðir sérfæði. Í starfinu felst því stjórnun og almennt skipulag deildarinnar. Sérfæðisstjóri hefur yfirumsjón með skráningu nemenda í sérfæði og umsjón með undirbúningi, matreiðslu og samsetningu á sérfæði. Sérfæði í leik- og grunnskólum er fyrir þá nemendur sem hafa ofnæmi, óþol eða þá sem af öðrum ástæðum óska eftir sérfæði.

Sérfæðisstjóri sér um samskipti og samræmingu við viðskiptavini, birgja og aðrar deildir fyrirtækisins. Hann er einnig í samskiptum við stjórnendur Skólamatar og situr fundi sem m.a. varða skipulag matseðla og innkaupa.

Vinnutíminn er frá kl.8:00-16:00 alla virka daga.