Orkuveitan

Orkuveitan styður vaxandi samfélög, heimili og atvinnulíf með nýsköpun í orku, veitustarfsemi og kolefnisbindingu. Hjá Orkuveitunni leggjum við áherslu á að vinna með fólki með fjölbreyttan bakgrunn sem býr yfir eða hefur vilja til að byggja upp þá hæfni sem hentar verkefnum hverju sinni. Við tökum forystu í verkefnum og hjá okkur ríkir jákvæður starfsandi. Við tryggjum góðan aðbúnað, sveigjanleika og sköpum starfsfólki aðstæður til að samræma kröfur vinnu og annarra þátta lífsins. Við nýtum okkur tækni í starfsumhverfi og starfsfólk nýtur jafnréttis. Saman erum við lipur, lærdómsfús og óhrædd að prófa nýja hluti til að skapa eftirtektarverðar lausnir og ná hámarks árangri fyrir viðskiptavini og samfélagið.

About

Senior hugbúnaðarsérfræðingur

Hugbúnaðarþróun Orkuveitunnar leitar að reyndum hugbúnaðarsérfræðingi til að taka þátt í mikilvægri tæknilegri umbreytingu Orkuveitunnar. Hlutverk okkar er að þróa og nútímavæða hugbúnaðarlausnir fyrir Orkuveituna og dótturfélög hennar. Verkefnin snerta mikilvæga innviði samfélagsins og fela í sér þróun nýrra lausna, endurhönnun samþættinga, sjálfvirknivæðingu og markvissa notkun gervigreindar.

Við leitum að einstaklingi sem hefur reynslu af hugbúnaðarþróun í flóknu umhverfi, getur skapað yfirsýn, greint tækifæri til umbóta og komið traustum lausnum í rekstur.

Ef þú ert manneskjan sem opnar gagnagrunna sem enginn skilur, finnur út hvernig hlutirnir virka, talar við réttu sérfræðingana, skjalfestir og kemur hlutunum áfram, þá viljum við heyra frá þér.

Helstu verkefni og ábyrgð

Taka þátt í nútímavæðingu samþættingaumhverfis samstæðunnar og uppbyggingu nýrra Domain APIs.

Þróa og innleiða event-driven lausnir þar sem þær eiga við

Stuðla að samræmingu þróunarferla, verkfæra og vinnubragða þvert á Orkuveituna.

Nýta gervigreind til að efla þróun, prófanir, greiningu og skjölun.

Styrkja öryggi, sjálfvirknivæðingu og gæði í hugbúnaðarþróun.

Hverjum erum við að leita að? 

Við leitum fyrst og fremst að einstaklingi með sterkan tæknilegan grunn, góða greiningarhæfni og lausnamiðað hugarfar. Það skiptir okkur meira máli hvernig þú hugsar og leysir vandamál en hvort þú hafir reynslu af nákvæmlega sömu tækni og við en þú ert líklega manneskja sem:

getur kafað ofan í flókin og lítið skjalfest kerfi, gagnagrunna, kóða og samþættingar, og skilið hvernig hlutirnir virka.

leitar upplýsinga sjálf, finnur rétta fólkið og spyr réttu spurninganna.

hefur sterka tæknilega innsýn, skilur rekstur og þarfir notenda, og hefur gaman af því að einfalda flókin vandamál og koma verkefnum í höfn.

hefur áhuga á því hvernig gervigreind getur breytt hugbúnaðarþróun til hins betra.

hefur metnað til að læra nýja hluti og miðla þekkingu til annarra.

hefur reynslu af hugbúnaðarþróun í flóknu fyrirtækjaumhverfi, góða þekkingu á .NET, reynslu af gagnagrunnum og samþættingum.

menntun á sviði tölvunarfræði, verkfræði eða sambærilega reynslu.

 Við bjóðum þér 

Tækifæri til að hafa raunveruleg áhrif á tæknilega framtíð Orkuveitunnar.

Fjölbreytt verkefni sem snerta samfélagslega mikilvæga innviði.

Sterkt teymi tæknifólks sem vinnur saman að umbótum og nýsköpun.

Mikla möguleika til að þróast faglega.

Sveigjanlegt vinnuumhverfi og umhverfi þar sem frumkvæði, ábyrgð og lausnaleit eru metin að verðleikum.

Hvers vegna Orkuveitan?

Orkuveitan samanstendur af móðurfélaginu og fjórum dótturfélögum; Veitur, Orka náttúrunnar, Ljósleiðarinn og Carbfix og hefur það hlutverk að styðja vaxandi samfélag, heimili og atvinnulíf með nýsköpun í orku, veitustarfsemi og kolefnisbindingu.

Rannsóknir hafa sýnt að fjölbreytileiki leiðir til betri árangurs og við hvetjum öll sem uppfylla grundvallarskilyrði starfsins til að sækja um, óháð því hvort þau haki í öll boxin.

Umsóknarfrestur er til og með 3. ágúst 2026. Nánari upplýsingar veitir Halldór Gíslason, deildarstjóri hugbúnaðarþróunar, [email protected].

Advertisement published1. July 2026

Application deadline3. August 2026

Language skills