Orkuveitan

Orkuveitan styður vaxandi samfélög, heimili og atvinnulíf með nýsköpun í orku, veitustarfsemi og kolefnisbindingu. Hjá Orkuveitunni leggjum við áherslu á að vinna með fólki með fjölbreyttan bakgrunn sem býr yfir eða hefur vilja til að byggja upp þá hæfni sem hentar verkefnum hverju sinni. Við tökum forystu í verkefnum og hjá okkur ríkir jákvæður starfsandi. Við tryggjum góðan aðbúnað, sveigjanleika og sköpum starfsfólki aðstæður til að samræma kröfur vinnu og annarra þátta lífsins. Við nýtum okkur tækni í starfsumhverfi og starfsfólk nýtur jafnréttis. Saman erum við lipur, lærdómsfús og óhrædd að prófa nýja hluti til að skapa eftirtektarverðar lausnir og ná hámarks árangri fyrir viðskiptavini og samfélagið.

About

Junior hugbúnaðarsérfræðingur

Hugbúnaðarþróun Orkuveitunnar leitar að nýliða í hugbúnaðarþróun sem vill hefja starfsferilinn í öflugu tækniteymi. Hlutverk okkar er að þróa og nútímavæða hugbúnaðarlausnir fyrir Orkuveituna og dótturfélög hennar. Verkefnin snerta mikilvæga innviði samfélagsins og fela meðal annars í sér þróun nýrra lausna, endurhönnun samþættinga, aukna sjálfvirknivæðingu og markvissa notkun gervigreindar í hugbúnaðarþróun.

Engin starfsreynsla er nauðsynleg. Við leitum að einstaklingi sem hefur áhuga á forritun, traustan grunn úr námi eða sjálfsnámi og vilja til að læra. Ef þú ert manneskjan sem leitar uppi vandamál til að leysa, lærir hratt og hefur gaman af því að skilja hvernig hlutirnir virka, þá viljum við heyra frá þér.

Helstu verkefni og ábyrgð

Þróun og viðhald á hugbúnaði í samvinnu við reyndari sérfræðinga, vörustjóra og önnur þróunarteymi.

Skrif á prófunum, skjölun og smærri einingum sem hluti af stærri lausnum.

Þátttaka í code reviews, bæði til að fá endurgjöf og læra af kóða annarra.

Aðstoð við greiningu á eldri kerfum og kortlagningu samþættinga.

Nýting AI-verkfæra til að auka framleiðni og læra hraðar.

Þátttaka í Agile vinnulagi: stand-ups, sprint planning og retrospectives.

Hverjum erum við að leita að?

Við leitum fyrst og fremst að einstaklingi sem hefur áhuga á hugbúnaðarþróun, er forvitin og hefur metnað til að læra. Það skiptir okkur meira máli hvernig þú hugsar og lærir en hvort þú hafir starfsreynslu eða þekkir nákvæmlega þá tækni sem við notum en þú ert líklega manneskja sem:

hefur áhuga á hugbúnaðarþróun og brennur fyrir því að skilja hvernig hlutirnir virka.

hefur grunnþekkingu í forritun í gegnum nám, sjálfsnám eða eigin verkefni.

leitar upplýsinga, spyr spurninga og gefst ekki upp þegar eitthvað reynist flókið.

vinnur vel með öðrum og hefur metnað til að vaxa í hlutverki og taka að sér stærri verkefni með tímanum.

er að ljúka eða hefur lokið námi á sviði tölvunarfræði, verkfræði eða sambærilegu, eða hefur aflað sér sambærilegrar þekkingar með öðrum hætti.

Dæmi um tækni, verkfæri og nálganir sem koma við sögu hjá okkur: 

Bakendi og samþættingar: .NET, C#, ASP.NET Core, API-hönnun með áherslu á Domain APIs, samþættingar milli kerfa, message queues og event-driven nálgun.

Gögn: SQL Server, PostgreSQL og gagnalíkanagerð.

Ský, innviðir og útgáfur: Microsoft Azure, Azure DevOps, Docker, GitHub Actions og CI/CD.

Verkfæri og vinnulag: GitHub, Jira, Confluence, Agile þróun, code reviews, test automation og skjölun.

Gervigreind í þróun: GitHub Copilot, Claude, Codex og önnur AI-verkfæri við kóðun, prófanir, greiningu og skjölun.

Við bjóðum þér:

Tækifæri til að hefja starfsferilinn í öflugu tækniteymi.

Leiðsögn frá reyndum hugbúnaðarsérfræðingum og raunverulega áherslu á starfsþróun.

Fjölbreytt verkefni sem snerta samfélagslega mikilvæga innviði.

Tækifæri til að læra nýjustu aðferðir á sviði hugbúnaðarþróunar og gervigreindar.

Sveigjanlegt vinnuumhverfi og skýra leið til að þróast í reyndari hlutverk með tímanum.

Hvers vegna Orkuveitan?

Orkuveitan samanstendur af móðurfélaginu og fjórum dótturfélögum; Veitur, Orka náttúrunnar, Ljósleiðarinn og Carbfix og hefur það hlutverk að styðja vaxandi samfélag, heimili og atvinnulíf með nýsköpun í orku, veitustarfsemi og kolefnisbindingu.

Rannsóknir hafa sýnt að fjölbreytileiki leiðir til betri árangurs og við hvetjum öll sem uppfylla grundvallarskilyrði starfsins til að sækja um, óháð því hvort þau haki í öll boxin.

Umsóknarfrestur er til og með 3. ágúst 2026. Nánari upplýsingar veitir Halldór Gíslason, deildarstjóri hugbúnaðarþróunar, [email protected].

Advertisement published1. July 2026

Application deadline3. August 2026

Language skills