Heilbrigðisstofnun Suðurlands

Sálfræðingur/meðferðaraðili í Geðheilsuteymi HSU

Við Geðheilsuteymi HSU starfar fjölbreyttur þverfaglegur hópur fagaðila sem leggur áherslu á góða samvinnu fagstétta með hag skjólstæðingsins að leiðarljósi. Teymið vinnur eftir batahugmyndafræði þar sem veitt er einstaklingsmiðuð þjónusta í einstaklings- og hópaúrræðum.

Við leitum að sálfræðingi eða annarri heilbrigðisstarfsstétt með meðferðarmenntun í teymið okkar, í 50-100% starf.Viðkomandi þarf að geta hafið störf í ágúst 2026 eða eftir samkomulagi.

Helstu verkefni og ábyrgð

Viðtöl á starfsstöð og í gegnum fjarfundarbúnað
Meðferð einstaklinga með geðrænan vanda
Beiting gagnreyndra aðferða, fræðsla og ráðgjöf
Skipulagning og veiting þjónustu sem þörf er á hverju sinni
Vinna í þverfaglegu teymi
Námskeiðshald og fræðsla til þjónustunotenda
Þátttaka í þróunarstarfi
Samstarf við aðrar stofnanir og úrræði

Menntunar- og hæfniskröfur

Starfsleyfi frá landlækni er skilyrði
A.m.k. tveggja ára starfsreynsla af klínísku starfi er æskileg
Þekking og reynsla af geðþjónustu og veitingu gagnreyndra aðferða er skilyrði
Þekking og reynsla af áfallavinnu kostur
Hæfni og áhugi á teymis- og verkefnavinnu
Góð samskiptahæfni og jákvætt viðhorf
Faglegur metnaður og ábyrgð í starfi
Sjálfstæði, frumkvæði og lausnamiðuð nálgun
Góð íslenskukunnátta er skilyrði
Góð almenn tölvukunnátta

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

HSU veitir víðtæka og samþætta heilbrigðisþjónustu um allt Suðurland, þar á meðal heilsugæsluþjónustu, sjúkrahús- og göngudeildarþjónustu, hjúkrunarþjónustu auka sjúkraflutninga. Áhersla er lögð á jafnt aðgengi og öryggi, gæði þjónustu og öflugt þverfaglegt samstarf.

Meðferðaraðili kemur að mati á þjónustuþörf, tekur þátt í þverfaglegum teymisfundum, fylgir eftir meðferðaáætlun samkvæmt verklagi teymis. Meðferðaraðili í hærra starfshlutfalli sinnir einnig hlutverki málastjóra og er í virkum samskiptum við skjólstæðinga teymisins, jafnt og þétt yfir þjónustutímann og kemur að áætlanagerð og umsóknum til annarra kerfa eftir þörfum. Málastjóri kemur að einstaklings- og hópaúrræðum innan teymis eftir sinni fagþekkingu.

Umsókn skal fylgja ítarleg náms- og starfsferilskrá þar sem gerð er grein fyrir ástæðu umsóknar og kynningarbréf þar sem fram kemur rökstuðningur fyrir hæfni viðkomandi í starfið. HSU áskilur sér rétt til þess að óska eftir hreinu sakavottorði.

Mat á hæfni umsækjenda byggist á innsendum gögnum og viðtölum við umsækjendur. Tekið er mið af jafnréttisstefnu Heilbrigðisstofnun Suðurlands við ráðningu í starfið. Öllum umsóknum verður svarað þegar ákvörðun um ráðningu hefur verið tekin. Umsókn getur gilt í 6 mánuði.

Starfshlutfall er 50-100%

Umsóknarfrestur er til og með 15.05.2026

Nánari upplýsingar veitir

Svanhildur Inga Ólafsdóttir

Tölvupóstur: [email protected]

Advertisement published17. April 2026

Application deadline15. May 2026

Language skills