Mosfellsbær

Mosfellsbær er sjöunda stærsta bæjarfélag á Íslandi með rúmlega 14.000 íbúa. Sveitarfélagið er staðsett í útjaðri höfuðborgarsvæðisins. Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi. Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi. Hjá Mosfellsbæ starfa um 1200 starfsmenn. Fjölskylduvæn og sveigjanleg mannauðsstefna styður við þá hugmyndafræði að Mosfellsbær sé eftirsóknarverður vinnustaður þar sem atvinna og fjölskylduábyrgð fara saman. Mosfellsbær er heilsueflandi samfélag sem miðar að því að þróa samfélagslegan ramma utan um markvissa og heildræna heilsueflingu, en verkefninu er ætlað að ná til allra aldurshópa í samfélaginu, bæði íbúa og starfsmanna.

About

Sálfræðingur - 40% hlutastarf

Við leitum að faglegum og lausnamiðuðum sálfræðingi til starfa á fræðslu- og frístundasviði Mosfellsbæjar. Viðkomandi mun starfa í teymi skóla- og ráðgjafarþjónustu sviðsins og þarf auk þess að vera í góðu samstarfi við foreldra og starfsfólk í skóla- og frístundastarfi bæjarins. Leitað er að öflugum einstaklingi sem hefur brennandi áhuga á því hvernig hægt er að efla vellíðan og farsæld barna og fjölskyldna.

Um er að ræða 40% framtíðarstarf.

Helstu verkefni og ábyrgð

Almenn sálfræðiþjónusta við leik- og grunnskóla bæjarins
Ábyrgð á verkefnum sem tengjast sálfræðilegri ráðgjöf, flóknum greiningum og handleiðslu til barna í leik- og grunnskólum og foreldra þeirra
Seta í nemendaverndarráði grunnskóla
Samstarf við aðra aðila sem koma að málefnum barna
Þátttaka í heilsueflingar- og forvarnastarfi sem miðar að vellíðan og farsæld allra barna
Frumkvæði og þátttaka í umbóta-, nýbreytni- og þróunarverkefnum

Menntunar- og hæfniskröfur

Starfsbundin réttindi til að starfa sem sálfræðingur á Íslandi
Framúrskarandi fagleg þekking og starfsreynsla
Haldbær hæfni og reynsla af greiningavinnu
Framúrskarandi samskiptahæfni og þjónustumiðuð hugsun
Sjálfstæði í störfum, ríkt frumkvæði, drifkraftur, jákvæðni og færni í þverfaglegu samstarfi.
Góð kunnátta í íslensku og ensku og hæfni til að setja mál fram í ræðu og riti.

Með umsókn þarf að fylgja starfsferilsskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Umsóknarfrestur er til og með 10. september 2026.

Laun eru samkvæmt samningi Sambands íslenskra sveitarfélaga og viðkomandi stéttarfélags. Um er að ræða framtíðarstarf í 40% starfshlutfalli.

Nánari upplýsingar um starfið veita Ragnheiður Axelsdóttir, verkefnastjóri skóla- og ráðgjafarþjónustu ([email protected]), og Ólöf Kristín Sívertsen, sviðsstjóri fræðslu- og frístundasviðs ([email protected]).

Mosfellsbær leggur áherslu á jafnrétti og hvetur öll áhugasöm til að sækja um starfið, óháð kyni, fötlun eða menningarlegum bakgrunni.

Advertisement published20. August 2026

Application deadline10. September 2026

Language skills