Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

About

Sækja um Stuðningur við ungan mann

Velferðarsvið Garðabæjar leitar að jákvæðu, hressu og drífandi starfsfólki í sumarafleysingar. Starfshlutfall er 70%-80% í vaktavinnu og þarf viðkomandi að geta unnið morgun-, kvöld-, nætur og helgarvaktir.

Starfað er með einstaklingi með Duchenne vöðvarýrnunarsjúkdóm, sem notar hjólastól sem hann stýrir sjálfur. Viðkomandi er með eigin bíl og því er mikilvægt að starfsfólk sé með ökuréttindi.

Við leggjum áherslu á jákvæð samskipti, húmor og framúrskarandi þjónustu. Í boði er skemmtilegt og fjölbreytt starf.

Helstu verkefni og ábyrgð

Styðja einstaklinginn til sjálfstæðs lífs með valdeflandi stuðningi og aðstoð
Sinna umönnun og vera vakandi yfir andlegri og líkamlegri líðan, aðstoða við heilsufarslega þætti eftir þörfum hverju sinni
Aðstoð með öll almenn heimilisstörf
Félagslegur stuðningur

Menntunar- og hæfniskröfur

Góð hæfni í mannlegum samskiptum, frumkvæði, skipulagshæfni, stundvísi og sjálfstæði í vinnubrögðum
Reynsla og kunnátta í aðstoð við fatlað fólk er æskileg
Íslenskukunnátta á stigi B2 samkvæmt evrópska tungumálarammanum
Ökuréttindi er skilyrði
Aldurstakmark 20 ára

Fríðindi í starfi

Heilsuræktarstyrkur fyrir starfsmenn sem ráðnir eru í starfshlutfall að upphæð 20.000 kr. eftir 6 mánuði í starfi
Bókasafnskort fyrir starfsmenn sem ráðnir eru í starfshlutfall eftir 3 mánuði í starfi
Menningarkort fyrir starfsmenn sem ráðnir eru í starfshlutfall eftir 3 mánuði í starfi
Sundlaugarkort fyrir starfsmenn sem ráðnir eru í starfshlutfall eftir 3 mánuði í starfi

Umsóknarfrestur er til og með 27. apríl 2026. Æskilegt er að starfsmaður geti hafið störf sem fyrst.

Nánari upplýsingar um starfið veitir Ingibjörg Friðriksdóttir forstöðumaður á velferðarsviði Garðabæjar, í síma 617-1581. Einnig er hægt að senda tölvupóst á [email protected]

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélags.

Samkvæmt lögum verða umsækjendur sem eru ráðnir að skrifa undir heimild til upplýsingaöflunar úr sakaskrá. Hreint sakavottorð skilyrði.

Áhugasamir einstaklingar, án tillits til kyns, eru hvattir til að sækja um.

Advertisement published13. April 2026

Application deadline27. April 2026

Language skills