Rafvirki

Isavia ANS óskar eftir að ráða rafvirkja til starfa í raftæknideild fyrirtækisins við uppsetningu á búnaði og kerfum. Um er að ræða fjölbreytt og áhugavert starf á góðum vinnustað. Við leitum eftir einstaklingi sem er skipulagður í verkum sínum, getur unnið sjálfstætt sem og í hópi og á auðvelt með að tileinka sér nýja tækni.

Starfsstöð er í Reykjavík og á flugvöllum Isavia eftir þörfum. Starfið krefst oft ferðalaga út á land vegna uppsetninga og viðhalds verkefna. Viðkomandi þarf að hafa tök á að geta farið út á land með stuttum fyrirvara þegar þörf krefur. Unnið er með tæknibúnað bæði inni og úti. Um er að ræða dagvinnustarf með bakvaktakerfi.