N1 sér fólki og fyrirtækjum fyrir eldsneyti, raforku, rekstrarvörum, veitingum og afþreyingu á þjónustustöðvum félagsins um allt land. Okkar hlutverk er að halda samfélaginu á hreyfingu með persónulegri þjónustu og markvissu vöruúrvali sem uppfyllir kröfur viðskiptavina hvert sem ferð þeirra er heitið. N1 sparar viðskiptavinum bæði tíma og fyrirhöfn með þéttu neti þjónustustöðva og umbunar þeim með margvíslegum ávinningi af viðskiptunum, m.a. með N1 kortinu sem safnar punktum og nýtast á N1 stöðvum um land allt. N1 starfar út frá þremur grunngildum sem eru: virðing, einfaldleiki og kraftur. Við sýnum hvert öðru virðingu, veitum þjónustu sem við getum verið stolt af og berum virðingu fyrir umhverfinu. Við leggjum okkur fram við að einfalda líf viðskiptavina okkar og liðsinna með góðu aðgengi að vörum okkar og þjónustu. Við hleypum krafti í samfélagið með öflugri dreifingu og afgreiðslu eldsneytis en einnig með stuðningi við hreyfingu, heilsubót og góð málefni sem auðga mannlífið. Vel staðsettar þjónustustöðvar og verslanir um land allt, fyrsta flokks dekkja- og smurþjónusta og öflug fyrirtækjaþjónusta gera N1 að sterkri heild sem er mikilvægur hluti af íslensku samfélagi.

About

N1 þvottastöðvar

N1 leitar að ábyrgum og lausnamiðuðum starfsmanni til að sinna umsjón, viðhaldi og þjónustu á þvottastöðvum fyrirtækisins. Um er að ræða starf með breytilegum vinnutíma.

Helstu verkefni

· Daglegt eftirlit með vélbúnaði, skynjurum og búnaði

· Áfylling efna og eftirlit með olíu-, sand- og olíugildrum

· Þrif á stöðvum, gólfum og brautum

· Regluleg þrif á vélbúnaði og húsnæði.

· Aðstoð við viðskiptavini og úrlausn ábendinga

· Viðgerðir og almennt viðhald á búnaði

Við leitum að einstaklingi sem:

· Er handlaginn og hefur áhuga á viðhaldi og tæknivinnu

· Vinnur sjálfstætt og sýnir frumkvæði

· Er lausnamiðaður og með góða þjónustulund

· Tekur ábyrgð og leggur metnað í snyrtilegt og vel unnið starf