Móttöku- og þjónustufulltrúi í Hafnarborg 

Hafnarborg er menningar- og listamiðstöð Hafnarfjarðar. Í Hafnarborg fer fram líflegt menningarstarf allt árið um kring með fjölbreyttri sýningardagskrá, leiðsögnum, viðburðum og fyrirlestrum, auk þess sem tónleikar eru fastur liður í starfsseminni.

Við leitum að metnaðarfullum starfsmanni í starf móttöku- og þjónustufulltrúa.

Um 60% starf er að ræða.

Vinnutími er að jafnaði virka daga frá kl. 11:30-17:30, með möguleika á aukavinnu.

Helstu verkefni:

• Móttaka og almenn upplýsingagjöf til gesta um sýningar og viðburði safnsins auk símavörslu
• Gæsla í sýningarsölum og eftirlit með öryggi listmuna og gesta
• Afgreiðsla, uppgjör og umsjón með samantekt tölulegra upplýsinga
• Eftirlit með daglegri umgengni, tæknibúnaði sýninga og viðhald snyrtilegs umhverfis í safnverslun og sýningarsölum
• Umsjón með safnverslun og gestavinnustofu
• Aðstoð við undirbúning, uppsetningu og frágang vegna ýmissa viðburða í safninu
• Önnur verkefni sem yfirmaður felur starfsmanni og samkvæmt starfslýsingu

Menntunar- og hæfniskröfur:

• Stúdentspróf
• Reynsla af sambærilegu starfi æskileg
• Rík þjónustulund og góð samskiptashæfni
• Sjálfstæði í vinnubrögðum
• Góð íslensku- og enskukunnátta
• Áhugi á starfssemi safnsins
• Almenn tölvuþekking
• Líkamleg geta til að sinna starfi

Laun eru samkvæmt kjarasamningi Sambands íslenskra sveitarfélaga við Starfsmannafélag Hafnarfjarðar.

Nánari upplýsingar um starfið veitir Aldís Arnardóttir forstöðumaður í síma 585-5791 [email protected]

Umsóknarfrestur er til og með 3. júlí nk.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.