Útilífsmiðstöð skáta Úlfljótsvatni var stofnuð árið 1941 og hefur verið heimili íslenskra skáta í yfir 80 ár. Þar fá skátar tækifæri til að reyna og upplifa en einnig til að vaxa og verða virkir þátttakendur í nærsamfélagi sínu. Úlfljótsvatn er staðsett sunnan við Þingvallavatn og er umkringt fallegri náttúru með mörgum möguleikum til útivistar og ótakmarkaðri fegurð. Allt árið um kring nýta skátar, skólahópar, tjaldgestir, fyrirtæki og allskyns aðrir hópar Úlfljótsvatn í fjölbreyttum og skemmtilegum tilgangi. • Á Úlfljótsvatni á starfsfólki og gestum að líða vel eins og þau séu hluti af staðnum en ekki einungis í heimsókn. • Við trúum á jákvæð áhrif útivistar á fólk og því er dagskrá utandyra lykilþáttur í starfsemi okkar. • Við viljum styðja ungt fólk, veita þeim ögrandi áskoranir og styrkja það til virkrar samfélagsþátttöku. • Gildi og stefna skátahreyfingarinnar er leiðarvísir okkar í allri dagskrá og öllu starfi á Úlfljótsvatni.