Þjóðleikhúsið

Mannauðsstjóri

Þjóðleikhúsið óskar eftir að ráða mannauðsstjóra.

Mannauðsstjóri er leiðtogi mannauðstengdra málefna í leikhúsinu, mótar stefnu í mannauðsmálum í samráði við helstu stjórnendur og ber ábyrgð á framkvæmd hennar. Mannauðsstjóri stuðlar að góðum starfsanda og framþróun vinnustaðarmenningar leikhússins.

Starf mannauðsstjóra heyrir undir þjóðleikhússtjóra.

Helstu verkefni og ábyrgð

Ábyrgð á þróun og framkvæmd mannauðsstefnu.
Ráðgjöf til stjórnenda og starfsmanna.
Þátttaka í áætlanagerð og rekstri sem snýr að mannauðsmálum, s.s. samningagerð
Skipulagning og umsjón með ráðningum, móttöku nýliða og starfslokum.
Árangursmælingar, umsjón með vinnuskilum og frammistöðumati.
Umsjón með starfsþróunar- og fræðslumálum.
Vinnuskipulag og leyfismál.
Umsjón og skipulag starfsmannasamtala og frammistöðumats.
Aðkoma að kjarasamningagerð, launasetningu og jafnlaunavottun.
Samskipti við starfsmannafélög.

Menntunar- og hæfniskröfur

Háskólapróf sem nýtist í starfi. Framhaldsmenntun á sviði mannauðsmála er kostur.
Farsæl reynsla af mannauðsstjórnun.
Framúrskarandi samskiptahæfni og jákvætt viðmót.
Frumkvæði, drifkraftur og metnaður til að ná árangri.
Reynsla af samningagerð er kostur.
Góð færni, þekking og reynsla af gagnavinnslu og framsetningu upplýsinga.
Góð tölvukunnátta og hæfni til að tileinka sér nýjungar á svið tækni.
Gott vald á íslensku og ensku í rituðu og mæltu máli.

Þjóðleikhúsið nýtur mikillar hylli meðal þjóðarinnar. Leikhúsið, sem fagnar 75 ára afmæli um þessar mundir, stendur á skapandi tímamótum og starfsfólk horfir fram á veginn. Til viðbótar við leikhússtarfsemina sem er í miklum blóma, voru ný lög samþykkt á Alþingi í sumar um að stofnuð yrði Ópera sem verður sjálfstæður hluti af starfsemi Þjóðleikhússins. Jafnframt tilkynnti ríkisstjórnin áform um að reisa nýja byggingu sem myndi hýsa nýtt sýninga- og sviðsrými við leikhúsið innan fimm ára. Þessi tvö nýju verkefni auk leiklistarstarfsemi sem er í blóma, kallar á þróun á skipulagi og því auglýsir leikhúsið tvær nýjar stöður lausar til umsóknar.

Starfið er 100% starf og æskilegt að viðkomandi geti hafið störf sem fyrst.

Launakjör eru samkvæmt gildandi kjarasamningi sem fjármála- og efnahagsráðherra og BHM hafa gert.

Umsóknarfrestur um starfið er til og með 14. október 2025

Við hvetjum áhugasama til að sækja um, óháð kyni og uppruna.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu.

Umsjón með starfinu hafa Hilmar Garðar Hjaltason ([email protected]) og Auður Bjarnadóttir ([email protected]).