Félagsstofnun stúdenta

Félagsstofnun stúdenta er sjálfseignarstofnun með sjálfstæðri fjárhagsábyrgð. FS var stofnuð með lögum nr. 33, 1968 og tók formlega til starfa 1. júní sama ár. Aðild að stofnuninni eiga allir skrásettir stúdentar við Háskóla Íslands, Háskólinn og menntamálaráðuneytið. FS er fyrst og fremst þjónustufyrirtæki fyrir stúdenta við Háskóla Íslands og er aðalmarkmið að bjóða stúdentum við HÍ góða þjónustu á góðum kjörum og auka lífsgæði stúdenta. Gildi FS eru: Góð þjónusta – Virk samvinna – Jákvæð upplifun – Markviss árangur. Í dag rekur FS: Bóksölu stúdenta, Leikskóla stúdenta, Stúdentagarða, Stúdentakjallarann, Hámu, Hámu Salatbar, Bókakaffi stúdenta og Kaupfélag stúdenta. Samanlagður starfsmannafjöldi er um 150.

About

Mannauðs- og gæðastjóri

Félagsstofnun stúdenta auglýsir eftir mannauðs- og gæðastjóra.

Félagsstofnun stúdenta leitar að öflugum og lausnamiðuðum einstaklingi í starf mannauðs- og gæðastjóra. Um er að ræða krefjandi og fjölbreytt starf þar sem megináhersla er lögð á að leiða mannauðs- og gæðamál stofnunarinnar, styðja við þróun heilbrigðrar vinnustaðarmenningar og tryggja fagleg vinnubrögð í allri starfsemi FS.

Mannauðs- og gæðastjóri vinnur náið með framkvæmdastjóra og stjórnendum einstakra þjónustueininga og gegnir lykilhlutverki í innleiðingu umbóta, stefnumótunar, fræðslu og verklagsþróunar. Starfið hentar vel einstaklingi sem brennur fyrir háskólasamfélaginu, hefur góða innsýn í mannauðs- og gæðastjórnun og vill hafa áhrif á framtíð þjónustu við stúdenta.

Helstu verkefni og ábyrgð

Mannauðsmál

Stefnumótun í mannauðsmálum í samstarfi við framkvæmdastjóra.
Ráðningarferli: auglýsingar, val, viðtöl, ráðningar og starfslok.
Umsjón með mannauðsmælingum, vinnustaðagreiningum og starfsmannasamtölum.
Þróun, endurskoðun og innleiðing starfslýsinga og verkferla.
Umsjón með starfsmanna- og stjórnendahandbókum og miðlun upplýsinga um réttindi og skyldur.
Þjálfun, fræðsla og starfsþróun í samstarfi við stjórnendur þjónustueininga.
Launagreiningar, kjaramál og samskipti við aðila vinnumarkaðarins.
Umsjón með jafnlaunakerfi og jafnlaunavottun; innleiðing og eftirfylgni.
Dagleg ráðgjöf og stuðningur við stjórnendur og starfsfólk í mannauðsmálum, m.a. tengdum samskiptamálum, ágreiningi og vinnustaðamenningu.

Gæðamál

Leiða þróun, innleiðingu og eftirfylgni heildstæðrar gæðastjórnunar FS.
Yfirumsjón með gæðakerfi, gæðaviðmiðum og gæðahandbókum, þar á meðal verklagslýsingum og verkferlum í öllum þjónustueiningum.
Tryggja að þjónusta og innri ferlar FS séu í samræmi við lög, reglur og innri gæðakröfur.
Umsjón með gæðamálum FS, innleiðingu umbótaverkefna og þróun gæðaviðmiða.
Skipuleggja og framkvæma innri úttektir og eftirfylgni á gæðamálum.
Verkefnastjórn og eftirfylgni með innleiðingu nýrra ferla, kerfa og verklags.
Greina frávik, meta áhættu og leiða úrbætur í samstarfi við stjórnendur.
Önnur verkefni tengd gæðastjórnun, umbótastarfi og innri þróun FS.

Menntunar- og hæfniskröfur

Háskólamenntun sem nýtist í starfi er skilyrði; framhaldsnám í mannauðs- eða gæðastjórnun er æskileg.
Reynsla af sambærilegu starfi og góð þekking á mannauðs- og gæðamálum
Þekking á jafnlaunakerfi, jafnlaunavottun og launatengdum ferlum er æskileg.
Leiðtogafærni, frumkvæði og hæfni til að vinna sjálfstætt og í teymi.
Framúrskarandi samskiptahæfni, jákvætt viðhorf og lausnamiðuð nálgun.
Mjög góð tölvukunnátta og hæfni til að tileinka sér nýja tækni og kerfi.
Góð tjáning í ræðu og riti, bæði á íslensku og ensku.
Þjónustulund og skilningur á mikilvægi jákvæðrar vinnustaðamenningar.

Umsókn skal fylgja