Embætti borgarlögmanns

Borgarlögmaður er í fyrirsvari fyrir Reykjavíkurborg og stofnanir hennar um lögfræðileg málefni. Hann hefur með höndum málflutning og aðra réttargæslu ásamt samningsgerð fyrir hönd Reykjavíkurborgar.

About

Lögmaður við embætti borgarlögmanns

Starf lögmanns hjá embætti borgarlögmanns er laust til umsóknar.

Um er að ræða áhugavert og fjölbreytt starf í krefjandi starfsumhverfi þar sem reynir á góða alhliða þekkingu á flestum réttarsviðum lögfræðinnar og sjálfstæð og öguð vinnubrögð. Áhersla er lögð á símenntun og miðlun þekkingar milli starfsfólks. Hjá embætti borgarlögmanns, sem er með aðsetur í Ráðhúsi Reykjavíkur, starfa níu lögmenn auk verkefnastjóra.

Helstu verkefni og ábyrgð

Lögfræðileg ráðgjöf, þ.m.t. álitsgerðir og umsagnir til borgarstjórnar, borgarráðs, innkaupa- og framkvæmdaráðs, borgarstjóra, sviða og stofnana Reykjavíkurborgar
Fyrirsvar og hagsmunagæsla fyrir Reykjavíkurborg og stofnanir hennar fyrir dómstólum og eftirlits- og úrskurðaraðilum
Undirbúningur dómsmála og málflutningur
Meðferð stjórnsýslumála
Meðferð innkaupamála
Samningagerð, yfirlestur samninga og önnur skjalagerð
Fyrirsvar vegna skaðabótakrafna sem beint er gegn Reykjavíkurborg
Uppgjör slysa- og skaðabótakrafna á grundvelli kjarasamninga

Menntunar- og hæfniskröfur

Embættispróf eða meistarapróf í lögfræði
Málflutningsréttindi fyrir héraðsdómstólum
Góð þekking á stjórnsýslurétti
Reynsla af málflutningi æskileg
Sveigjanleiki og hæfni til að afla sér nýrrar þekkingar og setja sig inn í ólíka málaflokka
Frumkvæði, metnaður og sjálfstæði í vinnubrögðum
Íslenskukunnátta á stigi C2 skv. samevrópska tungumálarammanum og góð færni í að setja mál fram í ræðu og riti
Skipuleg og fagleg vinnubrögð
Heilindi, jákvæðni og lipurð í samskiptum

Fríðindi í starfi

Heilsuræktarstyrkur

Samgöngustyrkur

36 stunda vinnuvika

Sveigjanlegur vinnutími

Um er að ræða fullt starf og greiðast laun samkvæmt kjarasamningi Reykjavíkurborgar og Stéttarfélags lögfræðinga. Æskilegt er að umsækjendur geti hafið störf sem fyrst.

Umsóknarfrestur er til og með 21. ágúst 2026. Umsókn skal skila rafrænt á vefsíðu Reykjavíkurborgar: www.reykjavik.is. Með umsókn skal fylgja afrit af málflutningsréttindum, ítarleg starfsferilskrá, þar sem koma fram upplýsingar um menntun og fyrri störf, ásamt kynningarbréfi þar sem gerð er grein fyrir ástæðum þess að sótt er um starfið og hvernig umsækjandi uppfyllir hæfniskröfur starfsins.

Öllum umsóknum verður svarað þegar ákvörðun um ráðningu liggur fyrir. Athygli er vakin á því að umsóknir geta gilt í sex mánuði frá því að umsóknarfrestur rennur út.

Nánari upplýsingar um starfið veitir Ebba Schram borgarlögmaður í gegnum netfangið [email protected].

Advertisement published4. August 2026

Application deadline21. August 2026

Language skills