Kennarasamband Íslands

Lögfræðingur í teymi félags- og kjaramála

Kennarasamband Íslands auglýsir laust til umsóknar starf lögfræðings í teymi félags- og kjaramála á skrifstofu sambandsins. Leitað er að öflugum og metnaðarfullum einstaklingi með brennandi áhuga á réttindamálum launafólks og kjarasamningum.

Starfið er fjölbreytt og krefjandi og felur í sér mikilvægt hlutverk við að tryggja faglega og trausta lögfræðilega þjónustu við KÍ, aðildarfélög þess og félagsfólk. Mikilvægt er að viðkomandi hafi framúrskarandi samskiptahæfni, geti unnið sjálfstætt og í teymi, sýni frumkvæði í starfi og hafi sterkan vilja til að styðja við starfsemi og markmið KÍ.

Helstu verkefni og ábyrgð

Verkefnastjórnun lögfræðilegra verkefna innan KÍ
Lögfræðileg ráðgjöf til stjórnar, starfsfólks, aðildarfélaga og félagsfólks
Þátttaka/Ráðgjöf í kjarasamningsgerð að beiðni formanna aðildarfélaga
Yfirlestur samninga og samningagerð
Mat á lagalegri áhættu og umsagnir um lagafrumvörp
Aðstoð við undirbúning dómsmála og önnur lögfræðileg úrlausnarefni
Þátttaka/Seta í nefndum, ráðum og samráðshópum fyrir hönd KÍ
Þróun og yfirferð verkferla í lögfræðilegu tilliti
Ritun lögfræðilegrar umfjöllunar á miðla KÍ

Menntunar- og hæfniskröfur

Fullnaðarpróf í lögfræði
Að minnsta kosti tveggja ára starfsreynsla
Mjög góð þekking á vinnurétti, stjórnsýslurétti og persónuvernd
Mjög góð greiningarhæfni
Mjög góð samskiptahæfni og rík þjónustulund
Sjálfstæði í vinnubrögðum og drifkraftur í starfi
Lausnamiðuð hugsun og nákvæmni
Hæfni til að vinna undir álagi og góð skipulagshæfni
Hæfni til að starfa í teymi, miðla þekkingu og stuðla að jákvæðu og árangursríku samstarfi
Mjög góð færni í íslensku og ensku í ræðu og riti
Þekking á Norðurlandamáli er kostur
Lögmannsréttindi eru kostur

Um er að ræða 100% starf.

Umsóknarfrestur er til og með 15. apríl.

Launakjör eru samkvæmt kjarasamningi Félags atvinnurekanda og Visku stéttarfélags.

Nánari upplýsingar veitir:

Dagný Ingadóttir, framkvæmdastjóri KÍ á netfangið [email protected].

Eftirfarandi gögn skulu fylgja umsókn:

1. Ferilskrá þar sem tilgreind er reynsla og þekking

2. Kynningarbréf með rökstuðningi fyrir hæfni viðkomandi til að gegna starfinu.

Umsóknir skulu berast í gegnum Alfreð og verður öllum umsóknum svarað þegar ákvörðun um ráðningu liggur fyrir.

Um Kennarasamband Íslands

Kennarasamband Íslands var stofnað 1. janúar árið 2000. Félagsfólk er um 12.000 og starfar í leikskólum, grunnskólum, framhaldsskólum og tónlistarskólum. Kennarasamband Íslands starfar á landsvísu og innan þess eru átta aðildarfélög. Hlutverk KÍ er að gæta hagsmuna og réttinda félagsfólks ,fara með samningsrétt um kaup og kjör, efla fag- og stéttarvitund, efla skólastarf, kennaramenntun og starfsþróun félagsfólks.

Advertisement published1. April 2026

Application deadline15. April 2026

Language skills