Leikskólinn Sumarhús óskar eftir aðstoðarmanni í eldhús

Leikskólinn Sumarhús, nýr leikskóli í Helgafellslandi í Mosfellsbæ, óskar eftir að ráða aðstoðarmann í eldhús. Um 100% framtíðarstarf er að ræða. Aðstoðarmaður í eldhúsi vinnur undir leiðsögn matreiðslumanns.

Í leikskólanum er gert ráð fyrir 150 börnum á aldrinum 1-5 ára og mun skólinn starfa eftir heilsustefnunni þar sem heilsa og vellíðan nemanda, starfsfólks og samfélagsins alls verður í forgrunni. Við leitum að einstaklingi sem er samviskusamur, stundvís og langar að bætast í okkar frábæra starfsmannahóp.

Starfið er laust frá 1. desember 2025.