Akureyri
Akureyri
Akureyri

Leikskólinn Lundarsel-Pálmholt: Leikskólakennari eða háskólamenntaður starfsmaður

Leikskólinn Lundarsel-Pálmholt óskar eftir að ráða leikskólakennara eða starfsmann með aðra háskólamenntun (BA, BS eða B.Ed.) sem nýtist í starfi, í 100% ótímabundna stöðu.

Æskilegt er að viðkomandi hefji störf í byrjun janúar 2027, en upphafsdagur getur verið samkvæmt samkomulagi.

Lundarsel-Pálmholt er sjö deilda leikskóli í tveimur húsum, Lundarseli við Hlíðarlund og Pálmholti við Þingvallarstræti. Börnin eru frá 12 mánaða til sex ára. Auglýst er eftir starfsmanni á deild með elstu börnunum í Lundarseli.

Í Lundarseli-Pálmholti leggjum við áherslu á lærdómsríkt og skapandi umhverfi þar sem áhugi, leikgleði og undrun barnanna fá að njóta sín. Við lítum á leikinn sem hornstein leikskólastarfsins og leggjum því mikla áherslu á að leikgleði barnanna fái notið sín í daglegu lífi leikskólans. Við vinnum með barnasáttmálann. Áherslur skólans eru teymisvinna, heimspeki, jafnrétti, hreyfing og heilsa, svo og SMT-skólafærni.

Einkunnarorð okkar eru: Glaðir spekingar sem leika og læra saman.

Viltu vita meira? Kíktu í rafræna heimsókn https://lundarsel.karellen.is/

Ert þú tilbúin(n) til að vera með okkur í liði og leggja þitt af mörkum?

Leikskólakennari eða háskólamenntaður starfsmaður starfar samkvæmt lögum og reglugerðum um leikskóla, aðalnámskrá leikskóla, kjarasamningum og mannauðs- og skólastefnu Akureyrarbæjar.

Helstu verkefni og ábyrgð
  • Að annast uppeldi og menntun barna, fylgjast með velferð þeirra og hlúa að þeim andlega og líkamlega í samræmi við þarfir hvers og eins.
  • Að taka þátt í skipulagningu faglegs starfs deildarinnar undir stjórn deildarstjóra.
  • Að taka þátt í gerð skólanámskrár, mati á starfsemi leikskólans og þróunarverkefnum undir stjórn leikskólastjóra.
  • Að vinna í nánu samstarfi við foreldra og forráðamenn og taka þátt í fundum á vegum leikskólans.
Menntunar- og hæfniskröfur
  • Háskólapróf í leikskólakennarafræðum eða önnur háskólamenntun (B.Ed., BS, BA) sem nýtist í starfi.
  • Reynsla af starfi í leikskóla.
  • Jákvæðni, sjálfstæði, ábyrgð og sveigjanleiki.
  • Góð samskiptafærni, frumkvæði og hæfni til að vinna í teymi.
  • Góð íslenskufærni í ræðu og riti.
  • Góð tölvufærni.
  • Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.
Advertisement published17. November 2026
Application deadline29. November 2026
Language skills
IcelandicIcelandic
Required
Advanced
Location
Geislagata 9, 600 Akureyri
Type of work
Skills
PathCreated with Sketch.ReliabilityPathCreated with Sketch.ProfessionalismPathCreated with Sketch.ProactivePathCreated with Sketch.CreativityPathCreated with Sketch.PositivityPathCreated with Sketch.TeacherPathCreated with Sketch.TeachingPathCreated with Sketch.Human relationsPathCreated with Sketch.IndependencePathCreated with Sketch.PlanningPathCreated with Sketch.PunctualPathCreated with Sketch.FlexibilityPathCreated with Sketch.Team workPathCreated with Sketch.Customer service
Professions
Job Tags