Leikskólakennari í Ævintýraborg við Nauthólsveg

Ævintýraborg við Nauthólsveg

Við óskum eftir að ráða leikskólakennara eða starfsmann með mjög góða hæfni í íslensku. Ævintýraborg við Nauthólsveg er nýlegur sex deilda leikskóli sem er staðsettur við rætur Öskjuhlíðar í göngufæri við Nauthólsvík.

Helstu áherslur skólans eru á frjálsan leik, jákvæð samskipti, skapandi starf og útinám. Í leikskólanum er öflugt félagslíf og okkar lífsspeki er að hafa gaman saman, enda er grunnur að góðum vinnustað í góðri vinnustaðamenningu og vináttu.

Við leitum að leikskólakennara eða starfsmanni með aðra uppeldismenntun sem er til í að slást í hópinn og taka þátt í að móta faglegar áherslur með okkur í leikskólastarfinu.