Leiðandi framendaforritari

Aurbjörg leitar að reynslumiklum framendaforritara í leiðandi hlutverk til að móta lausnir sem hafa raunveruleg áhrif á fjárhagslega velferð fólks. Við leitum að einstaklingi sem nýtur þess að skapa framúrskarandi notendaupplifun, hefur metnað til að drífa verkefni áfram og vill hafa áhrif á bæði tæknilegar ákvarðanir og framtíð fjártæknilausnarinnar www.aurbjorg.is.

Í þessu hlutverki munt þú:

• leiða þróun framenda Aurbjargar og móta notendaupplifun lausnarinnar

• taka virkan þátt í hönnun og þróun nýrra vara og virkni

• hafa áhrif á tæknilegar ákvarðanir, arkitektúr og áframhaldandi þróun tæknilausna

• taka þátt í að móta vöruna í nánu samstarfi við stjórnendur og teymi

• bera ábyrgð á verkefnum frá hugmynd að fullbúinni lausn

Við leggjum ríka áherslu á að þróa einfaldar, vel úthugsaðar og notendamiðaðar lausnir þar sem gæði, notendaupplifun og tæknilegur metnaður fara saman.

Þú passar vel í hlutverkið ef þú:

• hefur að minnsta kosti fimm ára reynslu af hugbúnaðarþróun

• hefur yfirgripsmikla reynslu af React og nútíma framendaþróun

• vinnur sjálfstætt en nýtur þess jafnframt að vera hluti af öflugu teymi

• hefur frumkvæði og drifkraft til að leiða verkefni áfram

• hugsar út frá bæði notendum og tæknilegum gæðum

• hefur áhuga á að þróa lausnir sem hafa raunveruleg áhrif á fólk

• reynslu af bakendaþróun þó að það sé ekki skilyrði

Hjá Aurbjörgu vinnur þú í litlu og metnaðarfullu teymi þar sem boðleiðir eru stuttar og hugmyndir verða hratt að veruleika. Þú færð raunverulegt svigrúm til að hafa áhrif á vöruna, vinna þvert á ólík fagsvið og taka þátt í að móta lausnir sem þúsundir notenda nýta í daglegu lífi.

Tæknistakkurinn okkar:

Framendi

• React

• Next.js

• TypeScript

• Vite

• TanStack Query

• Tailwind CSS

• React Native

• Expo

Bakendi

• .NET 8

• C#

• Kubernetes

• Docker

• Dapr

• Microsoft Azure