Skaftárhreppur

Skaftárhreppur er einn af landstærstu hreppum Íslands. Flestir búa í dreifbýli. Íbúar í Skaftárhreppi voru 625 1. janúar 2021. Aðalatvinnuvegir eru landbúnaður og ferðaþjónusta. Veðursæld er í Skaftárhreppi þar sem vetur eru mildir og sumur hlý. Margar náttúruperlur eru í hreppnum s.s. Landbrotshólarnir, Dverghamrar og Fjaðrárgljúfur. Hluti Skaftárhrepps er á Vestursvæði Vatnajökulsþjóðgarðs þar sem eru Lakagígar, Eldgjá og Langisjór. Nánari upplýsingar má finna á www.klaustur.is

About

Íþróttafulltrúi og yfirmaður íþróttamannvirkja

Skaftárhreppur auglýsir lausa stöðu íþróttafulltrúa og yfirmanns íþróttamannvirkja.

Helstu verkefni og ábyrgð

Stefnumótun og skipulagning íþróttastarfs fyrir alla aldurshópa
Fagleg og fjárhagsleg ábyrgð á starfsemi íþróttamannvirkja Skaftárhrepps
Rekstur og dagleg stjórnun íþróttamannvirkja
Gerð starfs- og fjárhagsáætlana auk kynningarefnis
Þjálfun á íþróttaæfingum barna- og unglinga sem og umsjón með hreyfingu eldri borgara
Náið samstarf við Ungmennafélagið ÁS, skólasamfélagið og aðra sem sinna tómstundamálum auk Ungmennaráðs
Íþrótta- og æskulýðsfulltrúi er starfsmaður stjórnar Ungmennafélagsins ÁS og hefur umsjón með heimasíðu UMFÁS

Menntunar- og hæfniskröfur

Háskólamenntun eða önnur menntun sem nýtist í starfi
Stjórnunarreynsla og þekking á rekstri
Áhugi og þekking á íþrótta- og tómstundastarfi
Þjónustulund, jákvæðni og lipurð í mannlegum samskiptum
Leiðtogafærni og vilji til þess að tileinka sér nýjungar í starfi
Sjálfstæð og skipulögð vinnubrögð
Faglegur metnaður og frumkvæði
Góð tölvukunnátta
Gott vald á íslensku og ensku í ræðu og riti
Hreint sakavottorð

Kirkjubæjarklaustur er í Skaftárhreppi um 250 km austur af Reykjavík. Í sveitarfélaginu búa um 700 íbúar. Þar eru gildin virðing, jákvæðni, samstaða og sjálfbærni höfð að leiðarljósi. Á Klaustri er taktur lífsins rólegri, þar bjóðast spennandi atvinnutækifæri og möguleikar til útivistar í einstakri náttúrufegurð eru óþrjótandi. Til staðar er íbúðarhúsnæði á hagstæðum kjörum.

Um er að ræða fullt starf. Ráðið er í starfið frá 15. ágúst 2025 eða eftir samkomulagi.

Launakjör eru samkvæmt kjarasamningum Sambands íslenskra sveitarfélaga og viðkomandi stéttarfélags.

Umsóknum skal fylgja ferilskrá og kynningarbréf.

Nánari upplýsingar

Einar Kristján Jónsson, sveitarstjóri Skaftárhrepps – [email protected]

Elín Dögg Ómarsdóttir – [email protected]

Advertisement published30. July 2025

Application deadline13. August 2025

Language skills