Ísafjörður - Umsjónarmaður Skeljungs

Skeljungur óskar eftir að ráða umsjónarmann Skeljungs á Ísafirði. Megin hlutverk starfsins er að sinna afgreiðslu, dælingu og dreifingu eldsneytis á Vestfjörðum. Ásamt öðrum tilfallandi verkefnum sem falla undir starfssvið dreifingar Skeljungs.

Skeljungur sér um dreifingu, innkaup og heildsölu á eldnseyti, smurolíu, hreinsi- og efnavörum, áburði sem og öðrum vörum og þjónustuþáttum til fyrirtækja og bænda. Þjónusta og sala til stórnotenda, til útgerða í flug og verktöku er einnig hluti af starfseminni.

Hjá Skeljungi starfar fjölbreyttur hópur fólks á öllum aldri. Mannauðurinn er mikilvægasta auðlind Skeljungs. Við berum hag starfsmanna fyrir brjósti og viljum vera í fremstu röð hvað varðar réttindi þeirra, öryggi og starfsumhverfi. Í okkar daglega starfi vinnum við eftir kjarnagildum okkar, við erum jákvæð, við erum tilbúin í breytingar og við erum metnaðarfull.