Húsasmíðameistari / Smiður

Stólpi trésmiðja er rótgróið trésmíðaverkstæði sem sinnir viðhaldi og viðgerðum á fasteignum.
Stór hluti verkefna Stólpa eru tjónaviðgerðir fyrir vátryggingafélag og eru verkefnin fjölbreytt allt frá smáum verkum upp í endurbyggingu á fasteignum eftir tjón.

Stólpi trésmiðja er hluti af samstæðu Styrkáss. Styrkás stefnir á að verða leiðandi þjónustufyrirtæki á fyrirtækjamarkaði með styrk til að þjónusta þá innviða- og atvinnuvegafjárfestingu sem fram undan er á Íslandi. Samstæðan er með markmið um innri og ytri vöxt á fimm kjarnasviðum: orku og efnavöru (Skeljungur), tækjum og búnaði (Klettur), eignaumsýslu og leigustarfsemi (Stólpi), umhverfisþjónustu og iðnaði.

Vegna aukinna umsvifa leitar Stólpi að drífandi einstaklingi til starfa í almenna smíðavinnu.
Leitað er eftir lausnarmiðuðum útsjónarsömum starfsmanni sem getur unnið sjálfstætt
Í boði er krefjandi starf í skemmtilegu vinnuumhverfi.