Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

About

Heilsuleikskólinn Heiðarsel - Leikskólakennarar/starfsfólk

Heiðarsel er fjögurra deilda og hefur starfað samkvæmt viðmiðum Heilsustefnunnar frá 2004 þar sem markmiðin eru að auka gleði og vellíðan barnanna með áherslu á leik, hreyfingu, næringu og sköpun í leik og starfi. Aðrar áherslur í starfi leikskólans eru læsi, stærðfræði og tónlist. Einkunnarorð skólans eru hreyfing, næring, listsköpun og leikur.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Helstu verkefni og ábyrgð

• Vinna að uppeldi og menntun leikskólabarna samkvæmt starfslýsingu leikskólakennara

• Taka þátt í skipulagningu faglegs starfs

• Taka þátt í foreldrasamstarfi í samráði við deildarstjóra

Menntunar- og hæfniskröfur

• Leikskólakennaramenntun (leyfisbréf fylgi umsókn)

• Jákvæðni og sveigjanleiki í samskiptum

• Frumkvæði og faglegur metnaður

• Samskiptahæfni og áhugi á að vinna í hóp

• Reynsla af störfum með börnum

• Ábyrgð og stundvísi

• Íslenskukunnátta

• Hreint sakavottorð skilyrði

Hlunnindi:

• Bókasafnskort

• Gjaldfrjáls aðgangur að menningarhúsum

• Gjaldfrjáls aðgangur í sund

• Gjaldfrjáls aðgangur í strætó

Ef ekki fæst leikskólakennari til starfa kemur til greina að ráða starfsmann með aðra menntun eða reynslu sem nýtist í starfi.

Um 100% starf er að ræða og er vinnutíminn 8:15 – 16:15 eða eftir samkomulagi. Umsækjandi þarf að geta hafið störf sem fyrst. Launakjör eru samkvæmt kjarasamningi Launanefndar sveitarfélaga og viðkomandi stéttarfélags.

Sótt er um starfið á vef Reykjanesbæjar undir Laus störf. Umsókn um starfið skal fylgja skrá yfir menntun og starfsferil. Einnig er óskað eftir kynningarbréfi þar sem gerð er grein fyrir ástæðu umsóknar með rökstuðningi fyrir hæfni viðkomandi í starfið ásamt upplýsingum um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Nánari upplýsingar veitir Hanna Málmfríður Harðardóttir leikskólastjóri í gegnum netfangið [email protected] og í síma 4203131/8946787

Advertisement published27. March 2025

Application deadline7. April 2025

Language skills