Hamborgarabúllan

Hamborgarabúlla Tómasar eða Tommi's Burger Joint á í raun sögu allt aftur til ársins 1981 þegar Tómas Tómasson stofnaði Tommaborgara við Grensásveg í Reykjavík. Árið 2004 opnaði Tómas svo Hamborgarabúllu Tómasar við Geirsgötu. Staðir Hamborgarabúllunnar eru innréttaðir á afslappaðan hátt, starfsmenn staðanna leggja áherslu á vinalega þjónustu og vilja þeir að öllum líði vel inni á Búllunni. Góð tónlist og þægilegt andrúmsloft gerir frábæran borgara enn betri í umhverfi þar sem að viðskiptavinir geta kúplað sig úr amstri dagsins og notið í rólegheitunum. Í dag eru veitingastaðir Hamborgarabúllu Tómasar 19 talsins staðsettir í 6 löndum. Við erum afar stolt af þeim stóra hópi starfsmanna sem starfar hjá fyrirtækinu vítt og breytt um evrópu.

About

Hamborgarabúlla Tómasar - Erum að leita að Rekstrarstjóra og Vaktstjórum

Hefur þú áhuga á að stjórna veitingastað?

Við á Búllunni erum að leita að öflugu fólki til að slást í hópinn með okkur.

Rekstrarstjóri ber ábyrgð á daglegum rekstri staðarins, tryggir að gæði og þjónusta séu ávallt í fyrsta sæti og leiðir hópinn með góðu fordæmi.

Vaktstjóri leiðir vaktina, sér til þess að flæðið sé gott og að hver einasti gestur fari ánægður út.

Helstu verkefni og ábyrgð

Daglegur rekstur og vinnusemi á vaktinni.
Gerð vaktaplana og starfsmannamál.
Pantanir á hráefni.
Uppgjör og eftirlit með gæðamálum.
Að tryggja að „Búllu-stemningin“ sé alltaf til staðar og stýra flæði á vaktinni.

Hæfniskröfur:

Rík þjónustulund: Þú hefur ástríðu fyrir því að láta öðrum líða vel.
Leiðtogahæfileikar: Þú ert drífandi og getur smitað út frá þér gleði og vinnusemi.
Sjálfstæði: Þú ert lausnamiðuð manneskja og óhrædd við að taka ákvarðanir.
Sveigjanleiki: Þú ert tilbúin/n að ganga í öll störf þegar á þarf að halda.
Fyrri reynsla af veitingarekstri er kostur en karakterinn vegur þyngst.