Kennarasamband Íslands

Fulltrúi Orlofssjóðs

Kennarasamband Íslands auglýsir laust til umsóknar 100% starf fulltrúa í teymi Orlofssjóðs á skrifstofu sambandsins. Leitað er að öflugum og metnaðarfullum einstaklingi til að sinna upplýsingagjöf og þjónustu til félagsfólks ásamt öðrum hefðbundnum skrifstofustörfum.

Starfið er fjölbreytt og felur í sér mikilvægt hlutverk við að tryggja faglega og trausta þjónustu við félagsfólk KÍ. Mikilvægt er að viðkomandi hafi mjög góða samskiptahæfni, leggi metnað í að veita góða þjónustu, geti unnið sjálfstætt og í teymi, sýni frumkvæði í starfi og hafi ríkan vilja til að styðja við starfsemi og markmið KÍ.

Helstu verkefni og ábyrgð

Upplýsingagjöf og afgreiðsla erinda vegna Orlofssjóðs KÍ.
Þjónusta í gegnum síma, afgeiðsla fyrirspurna og svörun tölvupósta frá félagsfólki.
Uppgjör og tilfallandi bókhaldstengd verkefni.
Utanumhald og uppfærsla bókunarkerfis sjóðsins í samvinnu við framkvæmdastjóra orlofssjóðs.
Önnur tilfallandi verkefni

Menntunar- og hæfniskröfur

Menntun og starfsreynsla sem nýtist í starfi, t.d. á sviði verkefnastjórnunar, ferðaþjónustu eða annarrar þjónustu.
Jákvæðni og rík þjónustulund.
Ánægja af samskiptum við fólk.
Reynsla af uppgjörum og að vinna með tölur.
Hæfni til að starfa sjálfstætt og í teymi.
Metnaður og sveigjanleiki í starfi.
Mjög góð hæfni í íslensku og ensku, jafnt í töluðu og rituðu máli.

Um er að ræða 100% starf.

Umsóknarfrestur er til og með 7. júní nk.

Launakjör eru samkvæmt kjarasamningi Félags atvinnurekanda og Visku stéttarfélags.

Nánari upplýsingar veitir:

Linda Björk Pálsdóttir, framkvæmdastjóri Orlofssjóðs á netfangið [email protected].

Eftirfarandi gögn skulu fylgja umsókn:

1. Ferilskrá þar sem tilgreind er reynsla og þekking.

2. Kynningarbréf með rökstuðningi fyrir hæfni viðkomandi til að gegna starfinu.

Umsóknir skulu berast í gegnum Alfreð og verður öllum umsóknum svarað þegar ákvörðun um ráðningu liggur fyrir.

Um Kennarasamband Íslands

Kennarasamband Íslands var stofnað 1. janúar árið 2000. Félagsfólk er um 12.000 og starfar í leikskólum, grunnskólum, framhaldsskólum og tónlistarskólum. Kennarasamband Íslands starfar á landsvísu og innan þess eru átta aðildarfélög. Hlutverk KÍ er að gæta hagsmuna og réttinda félagsfólks, fara með samningsrétt um kaup og kjör, efla fag- og stéttarvitund, efla skólastarf, kennaramenntun og starfsþróun félagsfólks.

Advertisement published27. May 2026

Application deadline7. June 2026

Language skills