Eimskip

Hlutverk Eimskips er að veita áreiðanlegar heildarlausnir í flutningum á sjálfbæran hátt með árangur viðskiptavina að leiðarljósi. Við höfum verið traustur samstarfsaðili í alþjóðlegum flutningum frá árinu 1914 og rekum 56 skrifstofur í 20 löndum með um 1.700 starfsmönnum. Við tryggjum viðskiptavinum okkar áreiðanlegar heildarlausnir í flutningum meðal annars með áætlunarsiglingum og rekstri gáma- og frystiskipa í Norður-Atlantshafi, hafnarþjónustu, landflutningum, vöruhúsa- og frystigeymsluþjónustu og alþjóðlegu skrifstofuneti í flutningsmiðlun. Hjá Eimskip er lögð sérstök áhersla á að skapa jákvæða menningu með sterkri liðsheild, tækifærum til þróunar, hvatningu til að sýna frumkvæði, opnum skoðanaskiptum og góðri miðlun upplýsinga.

About

Fulltrúi í viðskiptaþjónustu innanlands

Viðskiptaþjónusta Eimskips Innanlands leitar að metnaðarfullum og ábyrgum starfsmanni til að ganga til liðs við öflugt og þjónustumiðað teymi.

Viðkomandi þarf að vera stundvís, skipulagður í vinnubrögðum og búa yfir framúrskarandi þjónustulund. Starfið felur í sér fjölbreytt samskipti við viðskiptavini og samstarfsfólk, auk þátttöku í daglegum verkefnum sem styðja vðið skilvirka og faglega þjónustu.

Á Innanlandssviði starfa um 400 starfsmenn í fjölbreyttum störfum á 18 starfsstöðvum víðs vegar um landið. Sviðið er leiðandi í innanlandsflutningum og vörudreifingu, og sinnir jafnframt vöruhúsa- og frystigeymsluþjónustu.

Helstu verkefni og ábyrgð

Veita viðskiptavinum upplýsingar, ráðgjöf og framúrskarandi þjónustu
Svara fyrirspurnum í síma, tölvupósti og netspjalli
Sinna samskiptum og þjónustu við starfsmenn og aðrar deildir fyrirtækisins
Skrá og vinna úr upplýsingum í upplýsingakerfum félagsins
Taka þátt í fjölbreyttum tilfallandi verkefnum sem tengjast starfsemi deildarinnar

Menntunar- og hæfniskröfur

Stúdentspróf og/eða reynsla sem nýtist í starfi
Góð íslensku- og enskukunnátta, bæði í ræðu og riti
Góð almenn tölvukunnátta
Framúrskarandi þjónustulund, jákvætt viðmót og góð samskiptahæfni

Fríðindi í starfi

Öflugt starfsmannafélag sem rekur m.a. orlofshús víðs vegar um landið
Heilsu- og hamingjupakka sem inniheldur samgöngustyrk og styrki fyrir líkamsrækt, sálfræðiþjónustu og fleira
Heitan mat í hádeginu, fjölbreytt verkefni og góðan starfsanda í samhentu teymi

Nánari upplýsingar veitir Rúnar Einarsson deildarstjóri, [email protected]

Umsóknarfrestur er til og með 19. júlí 2026.

Hreint sakavottorð og 18 ára aldur er skilyrði fyrir ráðningu hjá Eimskip.

Advertisement published10. July 2026

Application deadline19. July 2026

Language skills