Sundhöll og íþróttamiðstöð Seyðisfirði

Íþróttamiðstöð Seyðisfjarðar var formlega tekin í notkun 1. febrúar 1999. Í íþróttahúsinu er rúmgóður salur, en þar rúmast t.a.m. löglegur handboltavöllur, 5 badmintonvellir, 2 körfuboltavellir, 3 blakvellir og 5 bocciavellir. Einnig er fullbúinn tækjasalur til líkamsræktar, gufa, kalt kar og heitur pottur í húsinu. Sundhöll Seyðisfjarðar var byggð árið 1948 og var teiknuð af Guðjóni Samúelssyni húsameistara ríkisins. Hún var formlega opnuð 8. júlí 1948 og varð því 70 ára árið 2018. Sundlaugin er innilaug 12,5 x 7m, lítil en vinaleg, með útipotti, köldu kari og sauna.

About

Framtíðarstarf fyrir karlmann við íþróttamiðstöð Seyðisfjarðar í 75% starf

Íþróttamiðstöð Seyðisfjarðar leitar af karlmanni í 75% starf í vaktavinnu. Um fjölbreytt og skemmtilegt framtíðarstarf er að ræða.

Viðkomandi starfar við ýmis störf í íþróttahúsi, t.d. við móttöku, afgreiðslu, baðvörslu og ræstingu o.fl. Tekur á móti og þjónustar fjölbreyttan hóp viðskiptavina, m.a. nemendur leik- og grunnskóla. Sýna skal frumkvæði í starfi og miðla hugmyndum um úrbætur.

Næsti yfirmaður er forstöðumaður íþróttamiðstöðvarinnar á Seyðisfirði.

Helstu verkefni og ábyrgð

Eftirlit og gæsla með gestum íþróttamiðstöðvar og sundhöll.
Almenn afgreiðsla.
Allar almennar ræstingar.
Fylgist með samskiptum notenda og leysir úr ágreiningi. Vinnur gegn áreitni og ofbeldi s.s. í búningsklefum og vísar erfiðum málum í réttan farveg.
Önnur verkefni falin af yfirmanni.

Menntunar- og hæfniskröfur

Reynsla af þjónustustörfum æskileg.
Sjálfstæði í vinnubrögðum.
Frumkvæði og drifkraftur.
Hæfni í mannlegum samskiptum, jákvætt viðmót og góð samstarfshæfni.
Hreint sakavottorð.
18 ára og eldri
Skyndihjálparkunnátta.
Viðkomandi þarf að standast námskeið í björgun og skyndihjálp og sundpróf fyrir laugaverði.

Launakjör eru samkvæmt kjarasamningum sveitarfélagsins og viðkomandi stéttarfélags.

Öllum umsóknum skal fylgja yfirlit yfir nám og/eða fyrri störf og kynningarbréf. Einungis er tekið við rafrænum umsóknum í gegnum ráðningavef sveitarfélagsins hjá Alfreð.

Nánari upplýsingar veitir Daði Sigfússon í síma 470 2341 eða á netfanginu [email protected]

Þeir sem ráðnir eru til starfa á fjölskyldusviði Múlaþings þurfa að veita heimild til að leitað sé upplýsinga úr sakaskrá hjá Ríkissaksóknara.

Tekið er mið af jafnréttisáætlun Múlaþings við allar ráðningar hjá sveitafélaginu. Vinnustaðir Múlaþings eru reyklausir og fjölskylduvænir.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is

Advertisement published10. February 2026

Application deadline3. March 2026

Language skills